[ا/توفيق عزت]

اخوتى
اننى اعمل بمدرسة ثانوية صناعية بنين
منذ 22 عام و انا فيها
رغم انى تربية انجليزى
اخدت البكالوريوس سنة 1983
عندما لم يكونوا اخترعوا ماكينات تصوير الورق
كنا نسهر ننقل و نزخرف المحاضرات
عن مدرستى يقول المجتمع الذى لم يراها من الداخل : -
: رايح فين يا صنايع ...... رايح الصنايع
يا صنايع يا صنايع يا بتاع الصنايع
ظلم و منتهى الظلم الاجتماعى
اليوم فى طابور الصباح كان السيد / مدير المدرسة فى الطابور
و السيد الاستاذ مدرس اول التربية الرياضية
و السيد الاستاذ مشرف عام اليوم
انتظم الطلاب فى الطابور و بعد أخذ الغياب غنوا كلهم : بلادى بلادى بلادى لك حبى و فؤادى
الله اكبر ... الله اكبر ... الله اكبر .................. تحيا جمهورية مصر العربية
ثم خرج التلاميذ الى فصولهم بصحبة مدرسيهم
و دخلوا الفصول .... فترى الحصص منتظمة و شرح جميل و شغل الحصة بعد الاخرى
رغم اننا نصف فصولنا فى الطرقات بمبنى المدرسة
و رغم اننا نعمل على سبورات عمولة نعلقها على الحائط
و رغم ان فناء المدرسة به اشغالات و بلاوى نتيجة سوء تخطيط ما يسمى بهيئة الابنية التعليمية
اثناء وقوف الطابور فوجئنا اليوم بالسيد الاستاذ / مدير عام ادارة فاقوس التعليمية
فوقف معنا و انتظم و كأنه احد المدرسين .. فلقد وجد العمل بما يرضى الله .. و الشاطرة بتغزل بـ..........
و مر علينا فى جميع الفصول و معامل الكمبيوتر و الكهرباء و ورش تدريب طلبة المدرسة و وقع بعبارات الشكر فى الدفاتر الخاصة بنا و الغياب و كل شىء
نسيت اقول لكم : كانت نسبة حضور الطلبة حوالى 75 %
رغم اننا مدرسة بنين
و بجوار مدرستنا مدرسة الصنايع بنات
نظام و نظافة و شغل يرضى الله
لا ...... لا ........... لا .......... الفارق كبير جدا
بيننا و بين ماشاهدته فى الفيديو الملحق بهذا الخبر
لا حول و لا قوة الا بالله العلى العظيم