[الأستاذة هدى]

المشاركة الأصلية كتبت بواسطة أسيل رزق

أستاذتى كلام حضرتك منطقى .. و فعلاً الاعلاميين ماهتموش بتصوير المزبلة اللى قال عليها دكتور احمد

بس ليه ماتقوليش مثلا ان تم تنضيف الحمامات كمثال قبل مروره عليها
و بعيداً عن نقطة النضافة .. ازاى ولد فى 2/1 و ماسك كتب من زمايله و قاعد فى 2/4 !!
إزاى وزير يروح مدرسة مايلاقيش الناظر و ميلاقيش مدرسيين؟!!

المدرسة ممكن ماتكنش الاوحش لكن هى فعلا مش مستوى مدرسة أبداً لا نضافة ولا مدرسين ولا طلبة كمان!!

يعنى المزبلة دى كلها ما عرفوش يصوروها يعرضوها وبجملة الفضايح ... والحمامات اللى لحقوا ينضفوها ؟؟؟؟
كلام غير منطقى يا أسيل ... المنطقى انه ربما تكون هناك أخطاء لكن هناك أيضا مزايا .. والحمامات النظيفة كشفت عن وجود مزايا .. وان هناك عمل يقوم به العمال بالفعل ... حتى لو كان هناك تقصير

وهذا من فضل الله .. ان تم تصوير الحمامات النظيفة بينما لم تصور لنا اى مزابل ... ولا حتى مزبلة واحدة

وبعيد عن نقطة النضافة التى لم نر فضايحها .. سمعنا بس ..

الطالب الذى يرفد بشكل متكرر كما أفاد المدير للوزير ... ويأتى للمدرسة خالى الوفاض .. ما هو بايع القضية ...
وانتى بتقولى انهم عيال فاشلة بيشتغلوا كمسارية او كده ...
هل مثل هؤلاء مسئولية المعلمين؟؟؟

طالب لا يريد ان يتعلم .. يأتى للمدرسة فاضى .. فيعاقبه المدير ويرفده .. ويأتى تانى .. وف وجود الوزير .. فيعاقب به المدير ؟؟؟؟؟

والمدرسة بها عيوب بالفعل .. وربما هى أفضل من مدارس كتير حتى أكون منصفة ..
لكن هل تخلو من المعلمين الملتزمين ؟؟
هناك معلمة قامت بشرح الدرس وعملت تجربة للعلوم امام الوزير ... ولكنه لم يشكرها .. ولم يذكرها .. وهى وأمثالها تم معاقبتهم جميعا ..

وهذا مبدأ مرفوض

التعامل مع الهيئة التعليمية بالسخرية مرفوض ..
التعامل بالتعميم للعقاب دون تفرقة بين محسن ومخطىء مرفوض....