[المرزاوى]

كله سوهاج سوهاج دا سوهاج دى جمهورية لوحدها بس خربانة

استغاثة لوزير التعليم

السيد الوزير الدكتور / احمد زكى بدر حفظك الله وأعانك

معلموا محافظة سوهاج

نحن معلموا محافظة سوهاج فرحنا بالكادر وكل اللى ناقصه حاجة جابها بالتقسيط إعتمادا على الكادر
واللى عمل جمعيات كبيرة إعتمادا على الكادر ولكن فوجئنا من 1/1 2010 بأن الكادر مرفوع حتى
يأخذ كل معلم نصابه من الحصص الذى نص عليه الكادر وتم المراد وكل واحد اخد نصابه ولم يعد هناك عجز ولكن تم فصل الكادر عن المرتب ويتم صرفه بعد المرتب بأسبوعين قولنا زى بعضه نسدد الأقساط من المرتب وننتظر الكادر يوم 10 فى الشهر ولكن جاء الخبر المفجع أن اعتماد الكادر خلص وانه سيتم وقفه حتى الـ 50 % الأولى وفعلا تم تحرير كشوف مرتبات شهر ابريل 2010
انا مثلا كاتب هذه الرسالة ( وربنا يستر من بطش الرؤساء اللى كل الصعايدة بيخافوا منهم وصابرين على الغلب اللى هم فيه اللى يقول اللى عند الحكومة ما يروحش واللى بيدى دروس ومش فارقة معاه ) انا مثلا واخد قرض شقة من البنك تصور اللى يتبقى كام باقى المرتب 200 جنيه اى والله 200 جنيه والاسم انى مرتبى 850 جنيه بالكادر يعنى و1265 جنيه بدون قسط البنك .
ملحوظة لنا اسضا من المستحقات حسنة من الدولة للمحافظات النائية فقط اسمها بدل نقدى ( قيمة تذاكر درجة ثانية فاخرة من المحافظة اظن للقاهرة ) وهذا البدل النقدى تم صرفه شهر واحد فى بداية الميزانية ثم وقف صرفه لأن البيه محافظ سوهاج استغله فى المساهمة فى إنشاء طريق البحر الاحمر . وانتهى الطريق ولكن ايقاف الصرف مستمر حتى الان
رجاءاً وصلوا شكوتنا للسيد للوزير اللى الله يحميه بينظف الوزارة من الدبابير اللى فيها ربنا يعينه
ويكتر من امثاله علشان مصر تنظنف من اللى واكلين خيرها وسايبين الغلابة ؟
تحريرا فى 9/4/2010

ملخص الموضوع : وقف صرف كادر المعلمين والبدل النقدى

بمديرية سوهاج التعليمية