الموضوع ده لكل اللى بيحاول اليومين دول يساوي بين الأهلى و الزمالك و يشكك في سمعة النادي الأهلى المحترم
1*
الأهلى مافيهوش قضايا بتخلص في المحاكم.
(هذا هو الفارق)
2*
الأهلى مافيهوش اسلحة بتخش جوه النادي و رئيسه يخش بعصابة و يحصل اقتحامات و تكسير و ........
(هذا هو الفارق)
3*
الأهلى مافيهوش رئيس بيطلع يسب و يلعن في الناس و يقول حيعمل و هيسوي و هيفتح ملفات ( ده كان ناقص يفتح ملفاتي انا :P )
(هذا هو الفارق)
4*
الأهلى مالهوش رئيس بيقلع الجزم و يقول على جمهور فريق النادي التاني انه جمهور حقير.
(هذا هو الفارق)
5*
الأهلى مالهوش مشاكل مع هيئات كتيرة (الأوقاف مثلا) و مشاكل تانية على المحلات اللى على سور النادي (يعني ماشي في السليم)
(هذا هو الفارق)
6*
الأهلى مافيهوش مشاكل في مجلس الأدارة و أعضاء المجلس بتستقيل و تقول فيه ديكتاتورية و ........
(هذا هو الفارق)
7*
الأهلى ماحصلش في يوم من الأيام ان المجلس القومي للرياضة يتدخل في حل مشاكله (ان وجدت)
(هذا هو الفارق)
8*
الأهلى مالهوش رئيس نادي بيتدخل في التشكيل أو في الكورة أصلا .
(هذا هو الفارق)
9*
الأهلى مافيهوش اعضاء بتطلع ع اللعيبة بسنج و مطاوي و ازايز و ف الآخر يبقى فيه دم و .......
(هذا هو الفارق)
10* فيه بعض الناس طالعين في نغمة
الأهلى بيدفن اللعيبة و يموتهم و يوديهم ف داهية و بالرغم من ذلك ملقيناش أي لاعب بيطلع يشتكي و يقول انا عايز العب و يجعجع و لكن الكل بيقول انا تحت أمر الجهاز و انا بقضي احسن ايامي ف
الأهلى حتى نادر السيد المحترم اللى مشي عمره ما قال حاجة غلط و دايما كان بيشكر في
المعاملة داخل النادي و كذلك كل اللعيبة.
(هذا هو الفارق)
11*
الأهلي مافيهوش تحايل على لعيبة ولا حاجة بمعنى :
-
الأهلى مافيهوش لعيب يحس انه صاحب الفرقة و اذا حد في الماتش مباصالوش الكورة يبقى ناقص يقتله و اذا اتغير يطلع يسب و يلعن في الجهاز و اللى بيعملهو يشتم و ف الآخر ميتاخدش ضده اي اجراء.
(هذا هو الفارق)
-
الأهلي مافيهوش لعيب يتقمص و ميجيش التدريب و ييجوا قبل ماتش مهم يروحوا يحايلوه و يراضوه عشان يلعب الماتش (قال مبادئ قال)
(هذا هو الفارق)
-
الأهلى مافيهوش لعيب يتدلع و ودنه تتخرم
و ميسافرش مع فريقه (أنعرة) و ييجي رئيس النادي يتحايل عليه ويدفع له كام ألف دولار عشان يسافر، ولما يسافر كمان يشيلوا لاعب من قايمة ال18 و يحطوه مكانه ويلاعبوه
(هذا هو الفارق)
- ده
الأهلى لما حسن مصطفى حب يعمل حاجة على طول شهر مع الأشبال و بالفعل نزل و خد جزاءه و رجع تاني للفريق و كل ده بدون أي جعجعة ولا أي حاجة
(هذا هو الفارق)
12* الناس اللى طالعه في نغمة
الأهلى فريق منشطات دي : عمرو سماكة لما ثبت تعاطيه المنشطات اديه دلوقتي مزبول و معروض للبيع و الناس كلها كانت عارفة ان ده هيحصل
(هذا هو الفارق)
13* ده هو اسلوب
الأهلى اللى وصل الأهلى للانجازات و البطولات و الارقام القياسية بالرغم من الظروف الصعبة الكتيرة اللى مر بيها
مقابل اسلوب الزمالك اللى وصله لمرحلة شبه انهيار و وصوله لمركز السادس في الدوري في سنة و خساير كتييير و من فرق درجة تانية و تعب لجمهور الزمالك اللى وصل لمرحلة كان يها حتى المتعصبين بيقولوا (مابقتش تفرق معانا)
(هذا هو الفارق)
م الآخر
ده
ملحوظة : اي اهلاوي عنده حاجات تانية يقولها لاني متاكد اني ناسي كتيير اوي
و اي زملكاوي عنده دليل على خطا اي حاجة من اللى فاتت او اللى هتتقال يقول</span>