تعرف؟
كونك بتسأل نفسك إن هل الكلام ده في مصر؟
معناه شئ واحد أو أنا بستنتج بمزاجي بقى اعذرني
إنك مصدق إن الكلام ده بيحصل في أمريكا
أو في أي دولة منتجة للأفلام
تعرف فيلم دا فينشي كود؟
فيلم عمارة يعقوبيان؟
فيلم زينب؟
فيلم مخلوقات كانت رجالاً؟
لو ما خانيش ذكائي فأنا متأكد إنك عارف إن الأفلام ديه كلها عبارة عن روايات حولت إلى أفلام
ببساطة سيناريو يتكتب ويتنفذ
قد يكون له علاقة بالواقع وقد لا
واللبيب بالإشارة يفهم
أفلام جيمس بوند كلها روايات تحولت إلى أفلام
في الدول المتقدمة
الأفلام ديه عبارة عن صناعة
وحتى بدأت شوية في مصر تتحول إلى صناعة
يعني إيه صناعة؟
يعني بتقدم منتج
يعني شوف معايا
إنت تقدر تمسك نسخة المنتدى ديه في إيدك؟
طب تقدر تلمس الويندوز؟
ما هي ديه صناعة البرمجيات والحاجات ديه بفلوس برضه
الفلوس بيحصلوها عشان المجهود إللي بذل
بس
ببساطة بعد كل الرغي ده
المؤلف يبقىقاعد في أمان الله وبيمسك قهوته أو شايه أو يشغل الكاسيت أو الراديو أو حتى وهو بيلعب بلاي ستيشن
ويألف قصة
تيجي شركات الأفلام تشوف المستهك (المشاهد) عاوز منتج عامل إزاي؟
وتبدأ تختار من الكلام المقدم ليها
هم بيقعدوا يفكروا إزاي يقدروا يقدموا إللي إنت عاوزه
عشان تدفع وهما يخدوا مقابل معقول (أو أكبر شوية من معقول) عن مجهودهم
كونهم بيكسبوا (وده مش كلامهم لوحدهم ده كلام علم نفس)
ده معناه إن نسبة كبيرة من المستهلكين (المشاهدين) عاوزين المنتج بالطريقة ديه
وقتها مش هيهمني أعمل منتج للفئة الباقية طالما مش بتدفع
besbes is besbes
إنتوا يا عرب مستهلكين حلوين
نعملكم نسخة ويندوز عربية
إنتوا يا بتوع شمال شرق الصومال لغتكم مش مفهومة ومش هتدفعوا كفاية
مش لازم نعملكم ويندوز بلغتكم
مهما ملئتم الدنيا صراخاً
يبقى الوضع هوه اللي بيدفع عاوز إيه؟
عارف
الواحد ممكن يدخل الفيلم وهوه عارف إن فيه ضرب وأكشن
ويخرج ويقلك ده أي كلام أنا ما كنتش عاوز أكشن
كونه دخل الفيلم
ده معناه إنه عاوز أكشن
بس
خلاص
عشان كده ما بقاش حد كتير اليومين دول يركز على القصة
حتى الأجانب
إلا بقى زي ما شفنا في أكبر فيلمين عملوا ضجة في 2006 العربي والأجنبي يعقوبيان ودافشي
فالقصة قدمت عشان جمهور كبير عاوزها
مش عشان مبدأ معين؟
أرجو أكون طولت عليك
وسلملي على إللي مش عاوز يتفرج على السينما
بالمناسبة وبدون مناسبة
أنا عمري ما دخلت سينما في حياتي وربنا يسهل وأكمل بالطريقة ديه
