اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
بقولكم ايه
سيبكوا من الهم و تعالوا نبتسم
1. واحد بخيل قوي بيموت بيسأل و لاده , فين كوهين؟ قالوله هنا قالهم فين شمعون قالوله هنا ؟؟ قالهم فين أمكم؟؟؟ قالوله هنا قالهم كلكم هنا و سايبين نور الصالة والع يا ولاد الكلب
واحد مسطول ماشي في البيت خبط فى أمه .. قالتله ايه ما شفتنيش .. قالها شفتك بس مش فاكر فين
واحد أعمى فتح من الفرحة اتشل
واحد صعيدي رجع من السفر لقى البيت مليان صراصير غير كالون البيت
واحد بيقول لشيخ هو ينفع الصلاة من غير وضوء …
قاله لأ ماينفعش طبعاً ..
قاله ايه رأيك جربت امبارح و نفعت
صعيدي قاعد علي الشط شاف واحد بيغرق كل مايرفع ايده يقوله و عليكم السلام