حسنى مبارك خد 30سنه فى الحكم لما خرج من حاشيته بعض المفسدين والمرتشين والمنافقين
لكن انتم بسم الله ماشاء جايين ومعاكم كل حاجه وانتم لسه خارج أسوار القصر الجمهورى
ادخل كده على الجريدة اللى عاملها مصدركم ونفس الموضوع بتاعك - هتلاقى بلطجه وقلة أدب وتهديد ووعيد لكل من يختلف معهم فى الرأى أو فى طريقة حوارهم - وشعارهم واحد ( ياتبقى معانا ياتبقى عدونا)وأظن الشعار ده مش غريب على أسماعنا من أيام ضرب البرجين إياهم----وخرجت بشىء واحد من الحوار معكم -- لاوجود لإنسان يدافع عن البلد وتاريخ البلد (كمواطن بسيط يحب تراب هذا البلد)إذا دافع عن البلد يبقى أكيد حزب وطنى وبيتقرب من رئيس الجمهورية كما ذكرت----- ياعم أنا لاحزب وطنى ولابتقرب لرئيس الجمهوريه -- لأن ماحدش دارى بينا --- يعنى بلاش نتعلق بحبال دايبة ونتهم الناس بالباطل ----
لكن اشهد لكم بالإدارة الرائعة وموزعين نفسكم صح --واحد يمنعنا العروبه والتانى مسح تاريخ وكفاح شهادئنا من أجل فلسطين لأ واحنا اللى ضيعنا فلسطين---
وفى مكان تانى واحد تاعب نفسه وجايب احصاء لثروات الوزراء وكأن رموز المعارضه ياعينى قاعدين فى عشش وبيقسموا المرتب قبل ماييجى زى حالتنا-ماكلهم زى بعضهم بيتعالجوا على نفقة الدولة - وأنا هموت على نفقة الدوله--أنا نفسى لما أنا وانت نطلع فى مظاهره ماتتسرقشى مننا الأضواء لواحد متربص بينا أكتر من الشرطه --
وتصديقا لكلامى من خطف الأضواء منكم فى أخر مظاهره بعد الكلام الغير مسئول من بعض نواب الشعب ---إنه أيمن نور الذى ملأت تصريحاته كل وسائل الإعلام العالميه وغطت تصريحات زوجته فراغ تصريحات الشعب الغلبان--- وأصبح المنقذ للشعب المصرى أمام العالم - مع إن اللى انضرب إنت واللى اتهان إنت واللى راح صوته إنت ومش بعيد تكون مابتحبش هذا الشخص- لكن هما بيعرفوا إزاى يوظفوا هذا لصالحهم ودا مجرد مثال وطبقه على غيره وغيره -- يعنى بتلعب للبرادعى فجأه هتلاقى غيره خطف الكرسى ودور لك يامرسى على رغيف عيش من فرن خالتى أم بهاء-ونطلع من مطب نقع فى بير عميق وهو دا المستقبل فى رأى-ربنا يلطف بينا- وكفايه كدا--- وشكرا
|