أستاذ عصام العزيز
أنا أدعم كلامك تماماً لكن أحب أعرفك حاجة مهمه جداً { قطاع القاهرة في تصحيح السنة الماضية قام بفصل تصحيح الأحياء عن الجيولوجيا و تم إنهاء عمل المدرسين المتخصصين في تدريس مادة الجيولوجيا فقط بمجرد انتهاء تصحيح الجيولوجيا و اخلاء طرفهم بعد تحديدهم بمعرفة الموجهين بكل ادارة }
و لم يتبقى لتصحيح مادة الأحياء سوى المدرسين القائمين فعلاً بتدريس المادة و كمان تم استبعاد البعض لدرجة اني كنت أقوم بالتصحيح و معي على نفس ترابيزة التصحيح الأستاذ محمد عبد الرحمن العادلي مؤلف كتاب المثالي يعني الموجودين كانو ناس جامدين جداً و على ترابيزة المراجعة الأولى كان الموجود موجهين عموم { لاحظ ان كده مستوى المراجعة في High Table ممكن يكون مين أسماء تخوف يا عم } و رغم كده كان فيه أخطاء .
يعني ربنا يكون في عون أي طالب ورقته يصححها واحد مش بيدرس المادة
عموماً روح قابل نائب رئيس مجلس الآباء في المحافظة أو خلى أي طالب يطلب من ولي أمره يعمل ده و يقدم طلب بالمعنى ده عن طريق مجلس الآباء للكنترول على أن يكون الطلب عن طريق خطاب مسجل بعلم الوصول يقول فيه لرئيس الكنترول أنه
بيحمله مسئولية أي خطأ يكون سببه عدم تخصص المدرس المسئول عن التصحيح من الناحية القانونية علشان يكون فيه جدية في الموضوع
و لو فيه أي مساعدة محتاجها انت عارف رقم تليفوني اتصل بي و انا عموماً عضو في مجلس النقابه في الفيوم ممكن نشوف طريق نتصل بيها بالنقيب عندكم يدعم الموضوع ده و ربنا يستر على الولاد و البنات دول ياعيني لا عندهم ماضي و لا حاضر و لا مستقبل
