<div align="center">10*كوبرى المشاه </div>
<div align="center">كوبري مشاه صحيح بس مش ليك يا خالي
ده نظام بنتمنظر بيه قدام أصحاب المعالي
فلوسه يخدوها من جيبي وتنقطع من قوت عيالي
ولو طلعت مرة عليه انزل مهبود م العلالي
ياكوبري مالهوش لازمة غير أنه منظر جمالي</div>
شكررررررررا على الرد
<div align="center">11*مد إيدك وادينى يا شعب </div>
************************************************** *
<div align="center">12*يا نائبنا يا ذوق..فووق </div>
<div align="center">يانائبنا يا حلو يا ذوق
اصحى يا حلو يا مدلع
ياللى بابك مخلع
واللي يجيلك فى خدمة
تسيبه لحد ما يولع
فى المجلس أنت نايم
وفى بيتكم برضه نايم
لا مؤاخذة حالك يعنى
اصخم من البهايم
وخليك يا حبيبى نايم</div>
<div align="center">12*سيدي الرئيس ...بليز </div>
<div align="center">
ياسيدي الرئيس
بقولهالك بليز
وممكن لو سمحت
تبص لمرة تحت
ممكن تحس بينا
وتبص مرة علينا
دحنا الشعب اللي اصلا
مفروض انك حمينا
ياسيدي الرئيس
بقولهالك بليز
تشوف حال المواطن
اللي فى الفقر قاطن
وتشوف عشش ومقابر
سكن فيها البشر
يدوئه فوق المر مر
ويعيش تحت الخطر
وده حكم القدر
خلاك فوقنا رئيس
موافقين وبنفس راضيه
بس يعيشو عيشه هادية
ياسيدي الرئيس
بقولهالك بليز
محنش عايزينها باريس
عاوزين مصر بلدنا
يكون فيها فعلا رئيس</div>
---------------------------------------------
<div align="center">13*الفيلم ده مش اجنبى </div>
<div align="center">الفيلم ده مش أجنبي
ولاحتى مشهد مغربي
الفيلم مصري والعصر عصري
والضرب أصلي مش هزار
واللي انضرب ده مش حمار
ولا حتى واحد أجنبي
واللي بيضرب أمن مصري
واللى انضرب ده برده مصري
بس حب يكون له قرار
ويكون ليه رأي واختيار
بس اللي يفرس هو فين؟؟
عارفين طبعا أنا قصدى مين
أنا قصدى صاحب التكية
اللي عاملها ياناس وسية
حد يقولى ياناس ده فين
مقلش حتى متأسفين
ولا قال ده غصب عننا
واللي حصل مش قصدنا
طبعا أنا مقصدش تجريح فى المقام
ياخوانا معذور بيديهم تمام
آه..ده أنا هلبخ فى الكلام
بقولكم إيه؟طب سلام </div>
<div align="center">13*حاجة تجنن حاجة تهين </div>
<div align="center">
حاجة تجنن حاجة تهين
وادى الصورة مش تفنين
طلبة جامعة ومحترمين
على اللرصفة اهم قاعدين
يلعبوا اي ومش دارين
بغضبة رب العالمين</div>
**********************************
<div align="center">14*ولا فيه عيب ولا فيه احساس </div>
<div align="center">بصوا ياخلق وشوفوا ياناس
جوة الجامعة العلم اساس
ويه القعدة على الكراس
بتجسد معنى الاخلاص
نفسى ياطلبة اشوف احساس
وكلمة عيب تفهمها الراس
وهقولها ياطلبة وخلاص
مبقاش فيه عيب ولا احساس</div>