اقتباس:
المشاركة الأصلية كتبت بواسطة mrweb
كعادة من يهاجم الرجل لم يقرأوا عنه ولكنهم "سمعوا" انه عاوز كذا وكذا. البرادعي لم يعلن ترشحه للرئاسة عشان نقول انه هايموت على المنصب مع العلم ان منصبه في وكالة الطاقة الذرية كان مهم زي منصب رئيس مصر. البرادعي قال انه هايترشح لو توافرت نزاهة الانتخابات.
دي بقى معروف مين البيعملها ومين البيدخل سفن امريكا وغيرها من قناة السويس ومين بيحاصر غزة فبلاش كلام غير منطقي
لم ولن يحدث ان البرادعي فكر في الغاء هذه المادة مع ان الحزب الوطني لغاها فعليا من حياتنا
مانسيش الاخوان لانه رجل سياسة مش بيتعلم في الشعب واي شخص يريد عمل اصلاح سياسي حقيقي لا يمكنه تجاهل الاخوان المسلمين لانهم مصريين وليسوا قادمين من المريخ.
ده على اعتبار ان المتصوفة ناس بيضحك عليها طبعا لكن عبقريتك هي الكشفت اللعبة . انا بروح اصلي في الحسين والمصريين كلهم بيصلوا هناك وهو كانسان مصري مسلم من حقه انه يصلي في اي مسجد مع العلم انه كان مرتزقة الوطني قالوا انه راح يصلي هناك عشان يكسب الشعية بس هو كان المفروض يروح يصلي في شرم الشيخ معاك حق .
ما علينا من الاتهامات فهي كلها مضحكة و تم تفنيدها "الرد عليها يعني" مئات المرات.
هذه هي مطالب البرادعي والجمعية الوطنية للتغيير لاصلاح مصر
- إنهاء حالة الطوارئ
- تمكين القضاء المصرى من الاشراف الكامل على العملية الانتخابية برمتها.
- الرقابة على الانتخابات من قبل منظمات المجتمع المدنى المحلى والدولى.
- توفير فرص متكافئة في وسائل الإعلام لجميع المرشحين وخاصة في الانتخابات الرئاسية.
- تمكين المصريين في الخارج من ممارسة حقهم في التصويت بالسفارات والقنصليات المصرية.
- كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.
- الانتخابات عن طريق الرقم القومي.
مصر تدهورت إلى حد كبير.بمعنى آخر لابد أن نكون نحن من يقرر مسير هذا البلد، نحن من يختار من يحكمنا ،أن يكون هناك تداول للسلطة، أن يكون هناك شفافية، أن تكون هناك محاسبة. هل ده موجود عندنا؟
الاصلاح السياسي المطلوب عمله مرتبط كليا باصلاح حال الناس من الاسعار للسكن للعلاج لاننا سنتملك دولة وحكومة تراعي المواطن المصري في سياستها لانه هو من اتى بها وليست مفروضة عليه. |
طيب الحمد لله ان كلامك بيوح انك مش عارف بتتكلم وبتقول وبيوضح اكتر مين اللي بيسمع وبيتتبع وهو معصوب العيينين و مين اللي فاهم
ادي الفيديو اللي بيدل ان البرادعي عايز يلغي الماده التانيه من الدستور
وبالنسبه للي مستوي تفكيرهم محدود احب اقولهم ان معني الغاء الماده ان ممكن بعد كده يترشح واحد نصراني او يهودي او بوذي حتي
اتفضل يا سيدي
ياريت بقي بعد اذنكم تقرأو وتتعلموا قبل ان تتكلموا
ثانيا صلاته في مسجد الحسين انت بتقول ان بعض الناس من الحزب الوطني قالوا انه انه راح علشان يكسب ود الشيعه بس
شكرا علي الاضافه ديه انا كنت نسيتها فعلا
يعني يا سبحان الله الموضوع مش محتاج والله ناس يقولوا ولا ناس يعيدوا
شوف حصل ايه في مولد النبي في المسجد وانت تعرف هو راح يعمل ايه
مع العلم ان هناك مئات الالاف من المساجد في مصر كانوا كلهم مقفولين في وشه لم يجد امامه الا مسجد الحسين هههههههههههههههه
والله انت كان عندك حق وانت بتقول اتهامات مضحكه هي فغلا مضحكه ومسيله للدموع كمان من كتر الضحك بس من الاتهامات لانها حقائق وانما ردك هو اللي كده