[أبو جبر]

إليكم هذه الأنشودة التى كتبها الأستاذ / السيد السيد جبر بمدرسة الشهيد محمد حسن الإعدادية بالبجلات دقهليةلنشر ثقافة الجودة بين الطلاب وتقول كلماتها:
أنا تلميذ من يومى يا أمى
حب الجودة بيجرى فى دمى
عندى معلم واعى وفاهم
وقت الشدة بيزيل همى
عندى إدارة ذكية نشيطة
راسمه لكل عملها خريطة
فيها حنان الدنيا بحالها
زىّ أبويا وزىّ أمى
أنا تلميذ من يومى يا أمى
حب الجودة بيجرى فى دمى
كل نشاط دايما بنمارسه
كل كتاب أنا فاهمه ودارسه
كل تاريخ لبلادى أنا عارفه
أفدى بلادى يا أمى بدمى
أنا تلميذ من يومى يا أمى
حب الجودة بيجرى فى دمى
لجل بلادى مدوا إيديكم
عملى وجهدى شوفوه بعينيكم
تلقوا الخير باين حواليكم
يالّه تعالى شاركنا يا عمى
أنا تلميذ من يومى يا أمى
حب الجودة بيجرى فى دمى