هما الاتنين ليهم مميزات وعيوب
الاحياء اكيد اتقل م الكميا بمراحل وطويله ومحتاجه حفظ و وقت و وجع قلب
فلما تتاخد ف تانيه هيبقى ف وقت حلو انك تلمها كويس وتركز فيها لانها ماده تقيله
وماعتقدش ان الكميا مع الفيزيا هيعملوا قفله ياعنى
ياعنى م ناحيه المذاكرة حاسه ان الاحياء ف تانيه احسن
معظم المدرسين كانوا قالولى اعمل كده
بس انا شايفه ان اللى بيعمل كده ياما واحد واثق م نفسه اوى يااما واحد عبيط وكمان انا كان عندى امل احول رياضه
فمش هيبقى قدامك مجال تانى غير علوم ياعنى لو لاقدر الله حصل حاجه وجبت مجموع مش حلو لاى ظرف م الظروف مش هينفع تحول رياضه اللى ممكن تخش فيها هندسه او حاسبات ومعلومات بمجموع اقل
بيتهيقلى ان دى ميزة حلوة اوى تخلي الكميا ف تانيه احسن ان يبقى ادامك فرصه تعيد حسباتك وتفكيرك تانى
ف الناهيه الواحد يستخير ربنا و اللى فيه الخير ربنا يعمله
ياعنى في ناس بتعمل كده او كده و عرفوا يذاكروا و جابو مجاميع
المهم توفيق ربنا وان الواحد يركز ويعمل اللى عليه
بالنسبه للمستوى الرفيع
فالاحياء اكيد برة اللعب خالص لانها ماده تانيه خالص لوحدها وطويله وعايزة حفظ وبيتهيقلى الاحياء الاساسيه كفايه اوى
ياعنى اصحابى اللى خدوها ياما جم ع الاخر وحولوا ياما معرفوش يحلوا حاجه ف الامتحان لان ملحقوش يذاكروها
فبلاش منها احسن
الانجلش والعربى بقى
ع حسب ما الواحد بيفكر
ياعنى الناس العاقله اللى عايزة تاخد حاجه تستفيد بيها فساعتها يبقى الانجلش احسن
اما الناس اللى ملهاش دعوه بالكلام الفاضى ده و بتحب تكبر دماغها ( زى كده
) وبتبص ع الدرجات فالعربى احسن
كمان لازم الواحد يفكر ف الوقت اللى كل ماده محتاجاه علشان تذاكر و ان كان محتاج درس او لا الواحد مبيبقاش ناقص اصلا
الانجلش امتحانه بيبقى طويل ياعنى ال3 ساعات بتوع الامتحان بياخدوهم كتابه لحد الاخر ( بس طبعاا الناس دى مش بتبقى فارقه معاها الحاجات دى كله ف سبيل العلم
) و لو حد مستواه ف الانجلش حلو اوى هيقدر يجيب ف درجات
اصحابى اللى خدوه هما ما شاء الله اصلا كانوا مقفلين الانجلش العادى وجابو ف المستوى يا 9 يا 9 ونص
بس لازم طبعا درس فيه 4 حصص او 6
العربى
انا كنت واخداه
منهجه قصير هما 13 درس قراءة بس
والامتحان 4 اسئله بس (ده لو مغيروش النظام بعد كده)
بيبقى 3 اسئله ع القراءة و سؤال بلاغه وبيبقى فيه نقطه نحو او اتنين نحو م النحو العبيط بتاعنا مش نحو معقد زى الكلام اللى بيتقال
ع سنتى جابو سؤالين قراء و سؤالين بلاغه
و طبعا ده احسن لان البلاغه ممكن يتألف فيها
ومش محتاجه درس
البلاغه كده كده بتشرح مع العربى
وممكن قبل الامتحان حصه تاخد ملزمه فيها اسسئله ع دروس القراءة وخلاص
انا بعد امتحان الاحياء قررت انى مش هخش امتحان المستوى الرفيع وكفايه بقى مذاكرة
بس بعد ضغوط م ماما وعلشان مازعلهاش بس
قررت انى اجى ع نفسى و اذاكره الكلام ده كان الساعه 2 بليل ليله الامتحان
والحمد لله جبت فيه 8 ونص
ف ميزة للانجلش كمان مهمه
انه بينفع ف التنسيق
ياعنى الكليات الى بتبقى محتاجه درجه معينه ف الانجلش زى اداب انجلش وتربيه انجلش و تجارة انجلش
لو واخد مستوى انجلش بتضاف ع درجات الانجلش العادى
الواحد لازم برده يفكر ف جميع الاحتمالات
يارب اكون عرفت اساعد