اقتباس:
ص يا سيدي
انا عمري ما اخدت دروس
لحد السنادي باخد فرنش بس
انا في 1 ث
وان شاء الله اخد في تانية
رغم اني عمري ما اقتنعت غير اني اذاكر لنفسي
من كتاب المدرسة اوكتاب خارجي
مش مقتنع بشغل المذكرات وهات مالاخر وذاكر من فوق الوش
|
نفس النظام
والسنة اللي فاتت اخدت انجلش مش عشان محتاجة أو مش عارفة
الدرس كان عند مدرس المدرسة ومدرستي كانت خاصة
بس المدرس في الدرس كان بيشرح لنا جرامر ثانوي وجرامر عامة في الانجلش
مش 3 اعدادي
يعني شبه كورس
اقتباس:
ماشي
انت عارف ان احنا بناخد 4 حصص فيزاء بس في الاسبوع ؟؟
طيب دا هيكفي اننا نخلص المنهج ؟؟ 
معتقدش
وبعدين بصراحة الامتحانات متقدمة اوي زيادة عن اللزوم
يعني لابد من درس
كمان الفيزياء محتاجة أسئلة وتفكير وتشغيل مخ
بيتهيألي يعني النص ساعة دي مش هتخلينا عارفين حتى نسأل الاستاذ سؤال
|
احنا كمان الترم الاول كان كدة
وخصلنا المنهج والحمد لله جبت فولمارك فيها
---
المشكلة بجد ان احنا اخدنا فكرة ثانوي = دروس
خلاص بقت قاعدة ثابتة
الاعتماد الكلي عالمدرس
يعني لازم المدرس هو اللي يقول لو محصلش كدة يبقى الغلط من عنده
مدرس قالنا كدة " الحاجة اللي انت تدور عليها وتجيبها بنفسك عمرك ما هتنساها "
بجد انا مش شايفة ليها اي اهمية
لو مدرس المدرسة شاف طالب حريص على الدراسة وبيسأل مدرس المدرسة
والله بيساعده وبيبقى مستعد يعمله اي حاجة
وما هي إلا وجهة نظر
ولكم جزيل الشكر