[الاميرة المصرية]

<div align="center">كلية علوم احلى واجمل كلية فى الوجود

وفعلا زى مانت قولت يا احمد مش واخدة مكانتها فى مصر

بره فى امريكا مثلا مش بيدخلها غير امريكى الاصل دليل على اهميتها

واهمية الى بيخرجوا منها كفاية انى الى بيخرج منها هيكون عالم (دا المفروض ).


بجد الكلية سهلة بس بشرط تبعد عن الكلام الى هتسمعه وانت فيها او قبل ما تدخلها

المشكلة فى مصر بصفة عامة انها بتعتمد على مجموعك مش على دماغك وميولك

فى كندا مثلا لو انت عايز تدخل طب ومجموعك مش يدخلك طب

بيعملولك اختبار بيشوفوك لو انت فعلا ينفع تدخل طب بيدخلوك

احكيلكم حكايتى مع علوم

وانا صغيرة كان نفسى ادخل علوم بس فى البيت رفضوا قالولى لا لازم تبقى دكتورة

او تدخلى صيدلة وبعدين بصراحة دخلوا حكاية صيدلة فى دماغى ونسيت علوم

بس الحمد لله مجموعى دخلنى علوم

وطبعا زى اى حد داخل علوم سمعت كلام احبطنى جامد جدا

الى قال هتقضى السنة سنتين على الاقل وحاجات تانية كتير

ربنا يعدى الترم الاول ده على خير

بس بجد باذن الله ناوية من الترم التانى بنظام تانى خالص

خلاص اتعلمت كتييييييييير وفعلا مفيش حد بيتعلم ببلاش

ادعولى

اسفة طولت عليكم</div>