[Golden Eagle]

المشاركة الأصلية كتبت بواسطة dr.boody

انتى ليه تاعبه نفسك مع الجهلاويه
بصي ..امشي بمبدأ..
الكلاب تعوى والقافله تسير

ههههههههههههههههههههه
إستمر إستمر و شوفها بتكلم مين الأول
أو ذاكر بوتاني ( اللي هو نبات يعني يا مشمش )

خد بالك مش هقولك الشتيمه بس لأ دا غير اللافتات اللى بتتكتب ولا إنت متابعتش ماتش الأهلى والمنصوره

إنت آه مش هاتقول الشتيمه بس دا مش بمزاجك لأن ما فيش شتيمة لأي حد ينتمي للزمالك
لكن جمهور الأهلي بيشتم .......... آه بيشتم
بس بيشتم شوبير أو شلبي أو الفرقة اللي قدامه لما تحصل كورة فيها لعب خشن ( حصلت مرة مع فريق بترولي غالبا ً إنبي )
لكن جمهور الأهلي ما شتمش حد بكلمة خارجة طالما الحد دا ما قربلوش
نيجي لللافتات
مافيهاش كلمة خارجة
اللي فيها قريب من الشتيمة بتاعت معلوف
و مش هما اللي قالوا الشتيمة
هو اللي شتم بنفسه و قالك دا كلب أبيض قال

على الأقل بيتكلموا كلام صح ومعقول مش زيكوا لامؤاخذه كده كل كلامكوا فى الفاضى

و الله ؟؟؟
طيب خد آخر تصريح مع كريم حسن شحاته علي الراديو بعد ماتش الأهلي و الإتحاد الليبي مع كيمو

على إذاعة الشباب والرياضة مع كريم حسن شحاتة يقول :
- أى فريق لديه فقط مبادىء كرة القدم سيهزم الإتحاد الليبى 5/0
- الهدف الثالث تأخر كثيرآ
- لو وصلوا لضربات الجزاء الترجيحية لفاز الإتحاد الليبى بسهولة
- أتوقع ان يكون النهائى بين مازيمبى وأى فريق آخر
دا كان جزء من كلام ابراهيم حسن علي مباراه
الاهلي والاتحاد الليبي مع كريم حسن شحاته
))..
لو عايز مصدر إكتبها ف جوجل

السؤال بقي بعيدا ً عن عنده حق ولا لأ أو غلط أو ما غلطش
هو ماله ؟؟؟ هو المفروض إنه يا يتكلم عن الأهلي كمصري أو ما يتكلمش خالص
و ليه ما إتكلمش ف الأداء ؟؟؟
و شكله ما شافش الماتش أصلا ً لأن في ضربة جزاء واضحة لبركات و فرصتين ليه و فرصتين لأسامة حسني و فرصة لأحمد حسن
دا حقود و هايودي أخوه ف داهية لأنه مش شايف شغلة و مركز ف التصريحات ( قبل ما تعلق علي إنه مش شايف شغله دي إقرا هـــــــــــنا )
يبقي مش بيقول كلام صح و بيهلفط و خلاص

والله الكل عارف حكاية الأتوبيس وكله إتكلم عنها هتكذب مواقع النت ولا هتكذب محمد شبانه ولا هتكذب مدحت شلبى حبيب الأهلاويه

ما كلهم جابوا موقع سيفون سبورت و هو أصلا ً نكته يبقي أكذبهم ولا لأ
غير إن شبانه لف علي كل المواقع ساعت حكاية بركات إلا مواقع الأهلي اللي فيها صورة ليه من ضهره مبينه إنه رافع صباعه السبابه و منزل الباقي و جايبه صور ليه من ماتشات سابقة و هو بيعمل نفس الحركة ( لو عايز تشوف الموضوع أهـــو )
و شبانه برضو قعد يعيد و يزيد مع إنه بيطالب بشطبه لأنه خدش الحياء ........... طيب هو مش دا خدش للحياء لما يعيد ؟؟؟ ( ربنا يستر و ما يقعش ف إيده فيديو لمسئول .............. لحسن يعرضه ع الهوا )
و شبانه برضو ما إتكلمش خالص عن اللي حصل بين جمهور الأهلي و حسام حسن ؟؟؟
دا شبانه

شلبي بقي دا عمايله كتير و اللي قالك إنه حبيب الأهلاوية ما كانش صادق معاك
كفاية حكاية الحضري إنه كان مؤيد هروب الحضري من الأهلي تحت شعار " لازم يحترف و يشوف مصلحته "
بعد كدا لما إتكررت مع الإسماعيلي قال " عيب يا حضري دا النادي اللي لمك و إحتضنك "
و دور ع النيك نيمز بتاعته
شلبي باروكه و شلبي ميك أب و حاجات تاني

لو كنت إتفرجت على أىواحد حلل أداء الحكم بعد الماتش كنت هتعرف إن فعلا الزمالك مظلوم وله مالا يقل عن ضربتين جزاء
ما إتفرجتش غير علي علاء صادق و بين إن كلهم تمثيل حتي كورة شيكا تمثيل و بيقول نط برجليه الاتنين أنا ليا رأي تاني مش مخالف بس طويل أقولهولك المرة الجاية إن شاء الله
وهنروح بعيد ليه ما تشوف الكوره اللى حكم الرايه قال إنها ضربة جزاء والحكم قال لا لا دى فاول وكلام الحكم هو اللى مشى لكن ماتش الأهلى وإنبى الحكم رايح يسأل حكم الرايه نعيد ضربة الجزاء ولا لا وكلام حكم الرايه هو اللى يمشى ماهو حكم الرايه ناخد برأيه فى ماتشات الأهلى بس ولا إيه

كورة حكم الراية دي المفروض أنا اللي أسأل ليه الظلم دا ؟؟؟
ليه ف ماتش الزمالك مع الشرطة و ماتش المنصورة ( مع الشرطة أظن برضو ) الحكم نفض للحكم المساعد و ف كورة الأهلي بعد ما دخلت جون من الهيد رجعها تاني ؟؟؟



جاي تاني إن شاء الله ارد ع الباقي