[د.حاملة المسك]

<div align="center">انا لما كنت فى ثانوى اخدت جغرافيا
ومكنتش اعرف عنها حاجة طول السنة
ليلة الامتحان كان معايا ملزمة مراجعة الاستاذ اللى كان بيدينى اقتصاد كان منزلها
قريت كلمتين ليلة الامتحان
والصبح قريت كلمتين تانين
وفى الراحة بعد التربية القومية قريت كلمتين تالتين :D
ودخلت الامتحان
كان صعب وغريب وعمرى ماشفت الكلام اللى فية
لكن اعدت اكتب واكتب واكتب اى تأليف
اى حاجة تيجى فى بالى
اى كلام
فى الاخر جبت 8 و نص
حلو ؟؟؟؟؟؟؟؟


انا نصيحتى ليك خد جغرافيا لانى حاسة انها اسهل حاجة
اما الفلسفة بصراحة معرفش

بس نصيحتى كمان لو اخدت جغرافيا
عارف والله فى المدرسة وفى درس الاقتصاد كانوا بيقولولنا فى الجغرافيا دى
اكتبوا اى حاجة
اى تاليف
اى كلام
المهم تكتبوا كلام كتير
وتملوا الصفحات
والله بجد
انا كنت بكتب كلام وواثقة انه ملهوش علاقة بالسؤال بس برضة بكتب

ويقولولنا مثلا لو فى سؤال مقالى:
ابدا الاول الاجابة بمقدمه وبعدين اكتب عناصر الاجابة
وبعدين اكتب فى عنصر عنصر باستضافة
وبعدين تحت ارجع عيد اللى كتبته تانى من فوق :D
والله بجد

يلا انا قلتلك نصيحتى وربنا يوفقك
صحيح انت اصلا تانية ولا تالتة ؟؟؟</div>