[أ/رضا عطيه]

إيه التعسف والتعنت فى الرأى ده؟
إنت بتقول عايز البرادعى حد قالك أسكت؟
غيرك بيقول ربنا يطول فى عمر مبارك بتتعفرتوا ليه ؟
وناس تانيه لاعايز ه ده ولاده هما أحرار
هتفرضوا رأيكم بالقوة وانتم لسه ماوصلتوش نصف مليون
( ياتبقى معانا ياتبقى عدونا )دا شعار ماينفعش مع شعبنا
اهدوا شوية ولا اتهدوا -----
نصكم 15و16و17سنه يعنى ليس لهم صوت وشغالين ولعها ولعها وانا عارف إن البرادعى لما يعرف أن معظم أنصاره من الشباب الصغير
هيطالب بتعديل الدستور وينزل حق التصويت لسن الحضانه
ماهو البيه جاى مش صابر لما يوصل ويبقى يعدل
لأ ده عايز بلد جاهزه -- بيطالب خصمه يفرش له الطريق بالورود ومش بعيد يطالبهم بتنجيد الفرش وتهذيب الحديقة
ده راجل بيسخر مننا -- كل شوية يطلع يقول كلمتين وأنصاره ينشروها ويحللوها على هواهم
إيه الفرق بينه وبين الوضع الحالى -- هى هى - مدح وشكر من غير عمل وهو ماقعدتشى فى مصر شهر على بعضه
خلاص نضبت أرض الحضارات جفت خصوبتها -- لم يعد لنا سوى هذا أوذاك وخلاص اللغه اتبرأت من تلك-اختفت بفعل فاعل
هل لو اترشح واحد لمجلس الشعب وعلمت أنه يحمل جنسية أخرى مع المصرية هل ستعطيه صوتك ؟
اتحداك لوقلت نعم ---- ماهذا التناقض الذى ملأ حياتنا وأصبحنا لانخجل من التباهى به وتوظيفه لصالحنا
واتحدى لو أتى واحد منكم بكلمه واحده على لسان الرئيس مبارك ذكر فيها أنه سيتنازل عن الحكم لإبنه أوكلمه واحده على لسان إبنه أنه سيرشح نفسه للرئاسه--- إنما هى كانت الفتنةالتى إختارتوها لتشتيت الناس وزرع الشك بنفوسهم وقد كان -لكن لحد إمتى الله أعلم وربنا يلطف بينا ---- وكفاية كدا