[smsma81]

للاسف فعلا ده حال البلد وفي مره وصلت عندنا في الاداره لـ6الاف .
بس في ناس مش سلبيه في كل مكان فاسد .بتحاول ترحم الناس من غير مصلحه شخصيه .بس في النهايه هي اللي بيضحوا بيهابس ربنا بيعوضهم بالافضل الحمدلله.
الفساد في كل حتي في البلد .وده مش بسبب الحاله الاقتصاديه .لا بسبب سؤ الاخلاق .
يعني شوفوا الناس زمان ايام الملك والاحتلال ومش بيبقي عندهم اي حاجه يكلوها واطفال صغار وكمان المرض وفوق كده الجهل .لكن كان عندهم شعار التعليم هو القران والاخلاق افضل من اي شئ .
ابني ابنك ولا تبنلوش .احنا دلوقتي مش عندنا ثقه في ربنا ان هو اللي بيديني رزقي .وهو القادر علي كل شئ .وبصراحه يا جماعه انا عارفه ان في ازمه .بس احنا اللي عملنها .بالسلبيه مشي حالك وملناش دعوه .وبعض الناس بتستسهل الرشوه علي كلمه الحق .وتدي ومتعرفش انه عمل تسعيره لغيره مش حيقدر عليها .ودلوقتي حنقلكم تجربه .واحد في مركز من المراكز بس الناس بتثق فيه انه حيعمل واسطه .ويعينهم في مدارس .اخد الفلوس منهم كلهم واتبرع بقطعه ارض وبني مدرسه خاصه وعمل مجلس اداره ومدير وعينهم فيها مدرسين بس بقوا يحافظوا عليها عشان كل واحد فيهم ليه سهم فيها .مش مجرد مدرس جاي وماشي .ويهموا ارباح المدرسه .دول النموذج الناصع اللي في بلدنا .
المهم من راي منكم منكرا فلغيره .مش بقلبه والله يرضي عليكوا .حاولوا الاول باي حاجه تانيه غير قلبكوا .
مش تعملوا زي زميلي غيري انتي ولو نجحتي احنا معاكي ولو متي روحي موتي لوحدك
ان الله لا يغير ما بقوم حتي يغيروا ما بانفسهم ويد الله فوق يد الجماعه