[شهريااار]

سبحان الله أنا حلمت امبارح بالليل خير اللهم اجعله خير انى واقف فى طريق طويل طويل طويل اوى وفجأة بصيت لقيت ادامى نهايته ففرحت اوى جريت عشان اوصل للنهاية دى اشوفها شكلها ايه فلقيت على الأرض 3 حاجات هى مفاح وورقه مكتوب فيها كلام ومسمار
وإذ فجأة ألاقى ورايا شباب وشابات كتير ييجى كدة حوالى 70 ألف واحد وواحده وكلهم بيجرو ناحيه ال 3 حاجات دى عاوزين يطولوها وأنا بأجرى معاهم ، فجأة ألاقى نفسى مهبود على الأرض جنب سريرى أتارينى وقعت عل الأرض وانا نايم بأحلم فقلت يا ترى ايه تفسير الحلم ده فقررت أنى أخد بعضى وأروح للشيخ سيد مفسر الأحلام فى قناة المحور وفعلا رحت له فى بيته وقعدت معاه فى الصالون وحكيت له الحلم

هرش فى ركبته اليمين و شبك صوابعه ادام وشه وسكت لبرهة من الوقت ( حلوة برهة دى - حلاوتك يا شريااار لما تبدع) وبعدين قالى يا بنى يا شهريااار الحلم مفسر نفسه

*الطريق الطويل ده طول صبرك اللى طال وانت متعاقد مستنى التعيين

*الورقة المكتوب فيها دة فاكس تعيينك انت وزمايلك المعلمين المساعدين ال 70 الف

*المسمار ده معناه تثبيت إن شاء الله

واللللللللللله أعلم