[طالــــ جديدةــــبة]

المشاركة الأصلية كتبت بواسطة u18805

بجد كلام جميل و كله واقعى فعلآ بيحصل والله بس انا مش بعرف اذاكر الا و فى اغانى جنبى اعمل ايه و بصراحه مش بصلى ايه الحل دلوقتى

بالنسبة للصلاة

حاول تبتدى واحدة واحدة

يعنى ركعتين الفجر او الصبح

و4 الظهر

وكدة القصد انك تبتدى بصلاة الفرض من غير السنن((وده مبدأيا بس))

وبما انك ولد انزل الجامع وصلي ((بس ما تغيبش, صلى واطلع على طول))

واعتبر انك لما بتقوم تصلى وانت قاعد بتذاكر وزهقان انك بتهرب وحط فى دماغك انك بتلجأ لربنا وادعيله


واقرأ قران

مش حقولك اقرأ جزأ ولا جزئين

مثلا الفاتحة ,قل اعوذ برب الفلق,قل اعوذ برب الناس,اية الكرسى


وادعية المذاكرة


اما بالنسبة للاغانى فربنا يتوب عليك منها زى ما حصل معايا

ونصيحة مجربة

قلل سماعك للاغانى يعنى بدل ما كنت بتسمعها ساعة خليها نص

وفى اغانى دينية جميلة اوى ولحن الكلام بتاعها بيشد

اسمعها كتير

وانت حتلاقى نفسك حتبقى مش طايق الاغانى التانية


وربنا معاك

ولو عايز شوية اغانى او حنقول الاناشيد الدينية اللى بقول عليها اكتبلى ومش حتاخد وقت فى تحميلها

وربنا معانا ومعاك