[هانى الشرقاوى]

نظيف
هو حضرتك كمان بتقول تصريحات
ما هو لازم برده يكون لحضرتك الحضور المناسب باعتبارك رئيس وزراء البلد
والله الجماعة بتوع منابع النيل دول مش عندهم حق خالص
واضح ان سيادة رئيس الوزراء مش بيتكلم عن مصر خالص بدليل أخر جملة دى معندناش حد بيموت من الجوع ..الحمد لله
يا سيادة رئيس الوزراء 42 فى المية من المصريين تحت خط الفقر ويعيشوا على فتات وحضرتك بتقول كده ؟؟؟ بس حلو برده التفاؤل
ثم فيها ايه لو البرادعى المحترم زى ما حضرتك بتقول عايز يغير قواعد اللعبة هى دى مصيبة ولا جريمة ولا ايه بالظبط ؟

واضح ان حضرتك سياسى من الدرجة الأولى لدرجة انك ممكن تحلف على المصحف

أما بخصوص النيل وبخصوص أفريقيا فلا أراكم الله مكروها فى عزيز لديكم ..
الله يرحمك يا ناصر كانت كلمتك بتدوى فى أرجاء أفريقيا كلها
بس صحيح حضرتك منتظر ايه من أفريقيا واحنا نسينا أصلا حاجة اسمها أفريقيا
لدرجة إن سيادة الرئيس لا يحضر اى قمة أفريقية فى أفريقيا منذ محاولة اغتياله عام 95 فى أديس أبابا

وأعتقد ان حصتنا مصر والسودان اللى هى 87 فى المية من المياه الجارية فى أراضيهما هتبقى 11 فى المية بس
والله العظيم أنا بقالى تلت أيام متواصلة بروح أقف على كوبرى قصر النيل وأبصله حاسس انه هيوحشنا أوى

وكلنا بكره هنغنى مشربتش من نيلها
وعلى رأى الست إليسا ماعدشى ينفع