اقتباس:
المشاركة الأصلية كتبت بواسطة حنان حلوة
ارفض بشدة مش الطالب دا برضه له اهل وفى تفاعل بين ولى الامر والمدرسة والا لا تبقى مؤسسة تعليمية يا سادة يا كرام يوجد اساليب اخرى غير الضرب اعتبر الطالب ابنك واللى لاترضيه لابنك لاترضاه ايضا لاولاد الناس استخدام القانون هو الاحترام وشكرا
|
ا
لأخت الغالية .... الأخوة الأعزاء
الأستاذة الفاضلة حنان الأسرة المصرية كانت - وأنا آسف انى اقول كانت - تساند المعلم والتعليم وأهلنا كانوا بيقولوا ( كسر .. وإحنا نصلح ) كانت كلمات بتنزل علينا أمام المدير والمعلم وقع الموت .. كنا نخاف ولا ننام إلا إذا انهينا المزاكرة والواجب ... النهارده أظن معاليكى عارفة ... الولد والنت أهم انهم يقعدوا قدام الكمبيوتر أو التليفزيون ..الكمبيوتر مش للبحث لكن للعب الالعاب المشهورة ... والتليفزيون للافلام الاكشن .. ويتحرق الواجب ماديتها كدبة بيضة وماما حاتتصل بالمحمول على الاستاذ ومعلش .. والواد حياخد درس عند سيادتك وخاللى بالك منه ... !!! علشان كده لايمكن يتولد ولا يتوجد طه حسين ولا زويل ... ولا عظماء مصر .. أدباء وعلماء وفنانين ....
ياسادة ياكرام .. أرجوكم عايزين مصر .... عايزين ولاد مصر ... يكونوا على مستوى ولاد الدول الأخرى مش فى اللعب .... عايزين علماء ... أدباء ... فنانين ... ممكن نتكاتف ونحط على قلبنا حجر لمصلحة ولادنا ومصلحة بلدنا ... هو فيه حد مايحبش مصلحة ابنه ويحبة مرفه بس
ياسادة بجد عايزين نضع لائحة لتاديب أولادنا الطلاب وميثاق شرف لعمل المعلمين ... ممكن ... ياريت نعملها ونحط حجر أساس لنهضة مصر .. وتغيير لسلوكيات ولادنا لمصلحتنا إحنا ... ممكن ...