<div align="right">بسم الله الرحمن الرحيم
أنا متكنتش عايز أطول عليكم يس للأسف مضطر
لكن بغض النظر عن هذه القوانين جيدة أم لا و مناسبة أم لا
و بصفتى مشرف فى الموقع " أعتقد ذلك " لا أحبذ إتخاذ القرارات الفردية
معظم القوانين السابق ذكرها جيدة مافيش مشكلة لكنها لاتسمح بأى حرية فردية أ, تعبير عن رأى
مكا أعتقد أنها تلغى دور التوقيع تماما
و هناك بعض التعليقات أرجو ألا تكون سخيفة
سامحنى يا عبقر بس أنا مش بتهجم والله أنا بس بقول رأيى و بحاول يكون أسلوبى راقى والله كعهدكم بى
أولا
1- يجب ان لا يحمل التوقيع اساءه الى دين اخر
3- يجب ان لا يحمل التوقيع صوره مخله بالأداب الاسلامية
5- يجب ان لا يحمل التوقيع مقولة او شعر منافي للدين الاسلامي
قوانين جميلة جدا مع إنى أظن أنها لم تكن تحتاج لقوانين بيتهيألى إنها حاجات إفتراضية كل الناس بتراعيها ولو أى عضو أو مشرف أ, حتى مين
إعتدى على أى حاجة منها كنا أكيد هنعاقبه بالطرق المسموحة لنا حتى بدون وجود قانون
أكيد مفيش أى عضو فى المنتدى يسمح بإهانة ديننا الكريم و يصمت لا أظن ذلك
ثانيا
2- يجب ان لا يحمل التوقيع اساءه الى إداري او مشرف او عضو
الموضوع ده إتكلمنا عنه كتير قوى
و المهم هنا تحديد نوع الإساءة طبعا يجب ألا يحمل التوقيع أى سباب أو إفتراءات على عضو أو مشرف طبعا
ماينفعش أجى أكتب فى التوقيع بتاعى أو فى موضوع حتى إن فلان ده شاذ جنسيا زى ماكان حد كتب قبل كده مش مقبول أبدا
بس ممكن واحد يكتب فى التوقيع بتاعه إنه لا يرى أن المشرف " فلان " جدير بالإشراف و ده رأيه الخاص لا أرى فيه أى مشكلة
و يمكن مناقشه الأمر بعد ذلك فأنا لا أريد تقييد للحريات
ثالثا
4- يجب ان لا يحمل التوقيع عنوان او موقع اخر غير الثانوية العامة
بعض المواقع لا تسمح للأعضاء المبتدئين " فقط " بوضع لنكات فى توقيعهم أو حتى مشاركاتهم
بس بيتهيألى أى عضو مش مبتدئ ممكن يحدد بنفسه الصح و الخطأ
أنا مش شايف أى مشكلة إن أنا أكتب فى التوقيع بتاعى
" زوروا موقعنا http://www.Elostaz.com "
طالما أن الموقع ده مافيهوش إساءة للإسلام او للأعضاء إنتم فاهمين أنا قصدى إيه
و زى ماقال حبيبى The_Relativistic200
إن موقع رواية مافيهوش أى مشكلة
رابعا
7- يجب ان لايتجاوز التوقيع العرض 400 والطول 200
بيتهيألى ده مش قانون ده خيار يمكن تحديدة من لوحة تحكم الأدمن "المشرف العام "
و بيكون بناءً على الباندويث للموقع مش أكتر
خامسا
8- يجب أن لا يحمل التوقيع صور فنانين او مشهورين سياسين او رياضين لان هذا موقع تعليمي
مش عيب إن الواحد بيقاله مثل أعلى و إن المثل الأعلى ده مايكونش أستاذه فى الفيزياء
و مش حرام إن الواحد يضع صوره لمثله الأعلى فى توقيعه
و السياسيين و الفنانين مش كفره عشان ما نحطهمش فى توقيعنا
أنا ماجبتش صورة لشارون و حطتها فى التوقيع تبتاعى
و بالنسبة لحكاية "لان هذا موقع تعليمي "
بمجرد النظر و عد مالتدقيق فى أقسام و مواضيع و أحوال ا لموقع تقدر نقول إن الموقع بدأ ينحرف عن مساره
و هو أنه موقع تعليميى
بس مافيش مشكلة إن يكون فى الموقع التعليمي أخبار للفن و السياسة مش حرام و أنا مش شايف فيها أى مشكلة
و مادام يوجد أخبار للفن والسياسة أنا ماأقدرش أمنع الأعضاء عن وضع صورة لفنان أو سياسى فة توقيعه
سادسا
9- يحبذ ان يكون توقيع ديني لكي تأخذ ثواب من يقرأ هذا التوقيع
عشان برده الأعضاء يأخذوا ثواب بس أنا أجد تعارض بين كملة " قانون" و كلمة "يحبذ "
و أخيرا
10- يجب ألا يوضع أى إيميل فى التوقيع الشخصى أو الصورة الرمزية
أمال التوقيع لزمته إيه !!!؟؟؟؟
طبيعى أن الواحد يضع إيميله فى التوقيع لأى مراسلات أو إقتراحات لو زميل له ماحبش يضعها فى رد على الموضوع
ده بمجرد تأمل معنى كلمة توقيع بقدر نقول إنه لازم يبقى فيه إيميل صاحب الموضوع
بيهيألى إحنا على النت الواحد مش هيضع فى توقيع إسمه الكامل و عنواناه للمراسلة !!!</div>
و شكرا
يورى
Egy_Prince27@hotmail.com