[*هبة الرحمن*]

و نلخص احنا الموضوع مع بعض

1- قبل ما تقعدي علي المكتب جيبي كل حاجة انتي عايزاها و اعملي كل حاجة انتي عايزاها
يعني كل و اشربي و ادخلي الحمام ((: و كله تمام كده

2- قعدي علي المكتب نص ساعة و ركزي جامد جدا و بعدين خدي راحة و انتي علي المكتب برده لمدة تلت دقايق لان اصلا مخك حيفصل لوحده بعد كل 30 دقيقة

3- بعد كل ساعة مذاكرة خدي عشر دقايق و لما نقول عشرة يبقي عشرة و بس روحي اشربي او صلي ركعتين يعني لازم تتحركي من مكان المذاكرة

4- اهم حاجة تبتدأي المذاكرة بالقران لانه بيبارك الوقت جدا

... مهم جدا برده النية ...

5- ثبتي مواعيد للمذاكرة علشان مخك يتعود عليها

انا عارفة و الله ان المذاكرة احيانا بتغلس و الواحد بيبقي مش طايق يشوف ورقة و قلم

و عندي اقتراح جامد جدا

ايه رايك نذاكر مع بعض لاني بره محتاجة حد اذاكر معاه

ايه رايك ؟؟؟

يعني اديني جدول اسبوعك و نحط مع بعض جدول مذاكرة و انا برده اقولك جدول مذاكرتي و ندخل نشجع بعض و نتابع بعض في المذاكرة و اللي حتقصر ( هي حرة ) ((: