عرض مشاركة واحدة
  #11  
قديم 26-05-2010, 12:17 AM
الصورة الرمزية Mr.Trueman
Mr.Trueman Mr.Trueman غير متواجد حالياً
معلم اللغة الانجليزية
 
تاريخ التسجيل: Jun 2009
المشاركات: 564
معدل تقييم المستوى: 16
Mr.Trueman is on a distinguished road
افتراضي

اقتباس:
المشاركة الأصلية كتبت بواسطة mr.shaaban مشاهدة المشاركة
ابتسم فأنت في مصر
اقتباس:
المشاركة الأصلية كتبت بواسطة mr.shaaban مشاهدة المشاركة

علي فكره مع كل اللي بيعملوه في المدرس الا انه مش هيقدرو يكرهوني في تراب مصر الجميلة

حضرتك فكرتنى بقصيدة صلاح جاهين:


على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة

على اسم مصر