انا الصراحة كنت عايز كلية تربية
والحمدلله دخلت كلية التربية
بس كنت عايز ادخل قسم لغة انجليزية
لان اللغة حلوة تنفع فى كله
او لو محصلش نصيب ادخل قسم لغة عربية
دخلت الكلية وكتبت الرغبات فى التنسيق الداخلى كالاتى
لغة انجليزية
لغة عربية
لغة فرنسية
تاريخ
فلسفة
علم نفس
وجيت نقلت جدول اللغة العربية بعد ما عرفت ان قسم اللغة الانجليزية اترفع وبقى 47
قولت يلا مش مهم
لما نزل كشف الاقسام
رحت اشوف انا فى قسم ايه؟؟!!!!!
رحت ولاقيت
اللى انا متوقعتهوش
لقيت نفسى قسم فلسفة
يوميها وربنا ما بطلت ضحك(مش عارف ليه)
ممكن من الصدمة
النهاية الشهر الاول فضلت على الحال ده
بس انا مش ندمان
وقدر الله ما شاء فعل
يمكن مكنتش عرفت اكمل فى القسم اللى كنت عايزه
بس الحمدلله ماشى تمام فى قسم الفلسفة
مش عارف فى الاخر هطلع ايه
فليسوف؟؟؟؟!!!!!!!!!!
نسيت معلش اتكلمت كتير
شكرا ليكى على الموضوع الجميل ده
|