فى مره قالولى تعال معانا الكنترول علشان تشتغل على الكنترول شيت قلتلهم ماشى قالولى بس فيه حاجه علشان نبقى واضحين قلت ايه هى قالوا مش هنكتب اسمك قلتلهم امال معاكم ازاى قالولى ركز وفتح مخك واحنا عارفينك زكى قلت ها قالوا انت درجه كاااااااااااااام قلتلهم التانييييييييييييه قالوا صغيره مش هتجيب معانا فلوس احنا هنثبت مكانك الاستاذ فلان درجه اولى كبير ومرتبه كبير ويقسم على اتنين ونص وانت ملكشى الا تاخد فلوس كتير وبكده ندخلوا معاك كمان عضو كنترول ونص كمان رفضت وقلتلهم يعنى لو دخل علينا الوزير فى الكنترول ادارى تحت الكرسى ولا انزل من السياره لحد العربيه ما تعدى الاشاره ولو قاللى بتعمل ايه هنا اقوله ايه والداهيه لو سألنى ( شغلتك على المدفع ايه ) اقله بررم
|