عيني عليك ي قلبي
كتير خانوك
ومهمهش دموع عينيك
وانت نسيت جرحهم...
وكتير لعبوا بيك
وخدعوا وقتلوا فيك
ومهمكش وسامحتهم...
لكنهم متغيروش
والخيانة ماشيه
جوي ف دمهم
وانت اللي رجعت ليهم
ومن تاني جرحوك...
خفت عليهم وقلت
هيتغيروا .. ونسيت
ان اللي بيجرح مرة
سهل يجرح تاني
ومبيبكش ع اللي عمله
ولا بيبكي ع اللي ظلمه
لان الوقت عدي وفات
ارجوك اتعلم ي قلبي
وكفايا طيبه وبرئه
دول مهما عاشوا
هيفضلوا هما هما
والجرح والغدر اساس
ف حياتهم
والطيبة ملهاش مكان
جواهم
فوق ارجوك انا تعبت
وياريت تتعلم
م اللي حصل زمان
وع ايديهم ...
وفاكر
لحظة م كانوا
محتاجين ليك
وطلبوا تكون قريب
وتداوي جرحهم
ولما طاب جرحهم
جرحوا هما فيك
ولعبوا بدموع عينيك
ونسيوا انهم فـ يوم
كانوا محتاجين ليك
وقت ضعفهم
عيني عليك ي قلبي
مبتجرحش وبيجرحوك
بتخاف ع مشاعرهم
بيعذبوك
وف النهاية قلت الاه
مشيوا ونسيوك
واديك هتعيش لوحدك
وهتموت زي ماضي
فات ومات