[محمد على المنياوى]

موضوع تافه للأسف وإن دل فإنه يدل على تفاهة ما وصلنا إليه من فكر الأخ البرنس للأسف أنصحك فى الأول تدور على معنى كلمة برنس وإيه أصلها فىاللغة العربية أكيد كلمة غير وطنية يالى بدافع عن الوطنية أحنا بنقلد الغرب فى كل حاجة إلا كيفية الحوار البناء أهلى ايه وزمالك إيه الى لسه شاغلين نفسنا بيه يا عمى البرنس بص حواليك شوف الى بيحصل فى الأمة العربية واشغل نفسك بما هو اهم وان كان جماهير الأهلى اخطأت فلا تنساق وراء هذه الأخطاء ولا تجعل من نفسك محامى الوطنية الحمد لله الى بيتكلموا فى الزمالك كتير ... وبعدين دى الصورة الى حطيتها وبتستشهد بيها تدل على تعصب أعمى دون تفكير دى صورة وان دلت تدل على صعوبة الواقع الى بنعيشه لم يلفت نظرك فى الصورة الا اللون الأحمر فقط يا راجل حرام عليك سيبك من السطحية وركز شوف ولادنا ومستقبل مصر الناس الى تحت خط الفقر الى مش لاقين حتى لقمة العيش وبيدوروا عليها فى الزبالة ركز فى الصورة وانت تشوف مجتمعنا ومدى الاهمال الى فيه وازاى بنهين أطفالنا وقول لنفسك كام طفل فى مصر بيعملوا كده إما بيدوروا على بقايا الطعام وأو مسخرين للعمل فى تجميع بقايا الطعام فى الصورة بتشوف شوارعنا وما وصلت إليه من أهمال من المسئولين .... هى دى مصر يا رأفت !!! قصدى يا برنس !!! يا مدرس أعدادى يا مربى الأجيال وتقولى ابراهيم عيسى اه هم دول الصحفيين الى على حق بيشغلوا الشعب بكل ما هو تافه ويكبروا الصغيرة علشان انا وانت نفضل نفكر تفكير سطحى ونشغل نفسنا بكل ما هو تافه معلش ماتش كورة وخلص لسه بنتكلم عليه ................... على فكرة احلى مبارة الآن اسمها غزة تسمع عنها ..........متزعلش بس موضوعك هو الى زعلنى .. خلوا منتدانا نتكلم فيه عن ما هو أرقى من كده