لو فرض واغلق 60% من مدارس مصر هل هيكون العدد داخل باقى المدارس( 300 )تلميذ للفصل الواحد طيب والمعلمين اللى فى المدارس اللى اغلقت هيتشونوا فى الادارات وهل كل مكتب داخل الادارة يساع فى العدد 500 معلم والمدارس التى اغلقت هل سيتم تأجيرها لمعارض بيع ملابس و اجهزة معمرة ولا هتتأجر محلات عصير وبيع كروت شحن وفول وطعميه وهل جميع الوزراء من عهد طه حسين وزير المعارف العمومية تعلموا فى مدارس حاصلة على شهادة الاعتماد (الجودة) وايه رايكم فى الكتاتيب اللى فى الارياف اللى الطفل فيها من خلال حجرة بالطوب اللبن وسقف من الخشب وحافظ كتاب الله وعمره ست سنوات فى مكان مش حاصل على الجودة وقولولي سيد الخلق وحبيب الحق (محمد صلى الله عليه وسلم) وهو يتعبد فى غار حراء وكان ينزل عليه الوحى فيه ، لو دخلت هيئة الاعتماد والجوده الغار هل هتمنحه شهادة الصلاحية ام ستقول وهذا المرجح ان الغار لايطابق المواصفات .بالله عليكم اتكلموا كلمة حق احنا اتعلمنا فى ظل جوده ومصطلحات مش عارف منين ولا اتعلمنا بفطرتنا العقائديه وكنا ننسب الفضل لله فى جميع اعمالنا يااساتذه حد يقوللى بموضوعيه مصر رايحه على فين بهذه الافكار واللى زاد الطينه بله انى رايح المدرسة اليوم الاربعاء2/6 لقيت سور المدرسة عليه مايقرب من 500 صورة ملصقة بمادة الغرا زى افيشات السينما عليها صور مرشحى مجلس الشورى حد يقوللى كيف يتم ازالتها بالله عليكم ( وبقول لزميلى اللى كان موجود كان ممكن الليله دى تمنعوهم من لصق اى صور على سور المدرسه(قاللى انت كنت عاوزهم يخدونا عند فرج فى فيلم الكرنك)
|