[أ/رضا عطيه]

من كتر ما بتكلم عن الوطن حسيت ياناس إنى صبح دمى تقيل
وناس مش طايقه كلامى وناس رافضه سلامى وناس بتشيل
وكأن إتغير بي الزمن ومن ورايا-- وجيلى قديم من ألف جيل
هو دا التغيير؟

الوطن ماعاد مكان معيشه؟لأ - صبح فندق مفتوح لكل نزيل
ومطب صناعى للغلبان والعدمان و اللى حظه فى الدنيا قليل
وجمهور الأهلى فى عز انتصاراته لسه قاعد مستنى مانويل
هو دا التحرير؟

صبح الشكر فى البلد شىء مكروه
واللى يقول بحبك يامصر يبقى معتوه
ماتحبوا اللى تحبوه واكرهوا اللى تكرهوه
وليه التاريخ بتزيفوه وعلى هواكم بتوجهوه
هو دا التنوير؟

ناس شقيانه ومن الغلب تعبانه ومن الفجر صحيانه وع الشغل رايحين
وخالتى الواعيه م الفجر صاحيه وع السوق رايحه وكل اللى معاها بطتين
لاناموا على سرير ولا لبسوا حريرولا كشمير ويسمعوا إسمها تدمع العين
هو دا التعبير؟

سيطر اليأس على قوايا وبقيت متحير لاعارف مين ضدى ولامين معايا
حب الوطن صبح مرهون بشخص واحد فى الكون وعليه تترسم كل الحكايه
وجدى المدفون وسط أبار وعيون كدا يهون ؟مايهون وهانكتب سوى النهايه
هى دى التدابير ؟

لكن - لا وألف لا -للى عايش جوه هواه
وراجع من غربته وجايب حكومته معاه
ودستور الدنمارك والعمله دولار أوفرانك
وتنداس مقدساتنا ويضيع دستورحياتنا
ويبقى قوانينا واللى حاكمنا غير شرع الله
لا -وألف -لا
التوقيع : مصرى يعشق كل ماهو مصرى