[أ/رضا عطيه]

المشاركة الأصلية كتبت بواسطة ibrahim elsayed

ياعم كل بدايه لابد لها من نهايه وهوده حال الدنيا متقلبه يعنى لازم تدوق المر علشان تعرف طعم الحلو ياحلووسيبك بأه من البرادعى والقابه هى الالقاب بفلوس المهم اننا نستفيدمن دعوته للتغيير وياريت تتحقق ولااحنا بنهاجمه كده وخلاص لمجردانه فكر يدخل المعترك السياسى فى مصر ورشح ياعم اللى انت عايزه بس من غير منجرح فى الاخرين ونبحث لهم عن سقطات وكل انسان له سقطات الا جدو الرئيس ده راجل حكيم محفوظ من السقطات ومش ممكن يغلط ابدا ده فريد من نوعه وربنا يكتر من امثاله ويخلده ليناوربنا يستر علينا من بعده

فكر إيه ياعمنا - كان فكر لكن دلوقتى مصالح طائفية وشخصية
تعرف تقوللى ليه الدكتور نافعه اللى طلعت عينه على ماشكل الجمعيه وجعل لها وجود ليه كان بيهدد بالاستقاله بعد هذا المجهود الشاق
السبب يا أستاذ إبراهيم إن البرادعى وشلته من نواب قروض ونواب رفعت عنهم الحصانه بسبب عدم تأديتهم للخدمه العسكرية وناس تانيه منعوا من دخول الانتخابات لاسباب الجنسيه الأخرى والحرس القديم لحركة كفاية كانوابعضهم تركوا البلد ورجعوا مع البرادعى بحثا عن مناب-- الناس دى سيطروا على كل شىء فى الجمعيه وبدأت الأهداف الاساسيه تتحول إلى فكر لايتفق مع فكر المجتمع المصرى والاسلامى بالذات
وبعد ماحدث فى الإنتخابات الاخيرة للإخوان فانضموا إلى الجمعيه فتم تعديل أخريتفق مع أفكارهم واهتمامهم يعنى الاهداف الأصلية والعظيمه للشعب تحولت إلى مشاريع للنخبه
الكل داخل للإنتقام من البلد كلها وليس كما كانت فى بداية قيام الجمعيه من الشعب للشعب
وأقول لك على حاجه كان عندنا واحد يعتبر من أعمدة الجمعيه وكنا دايما نحب نسمع له لأن أفكارها فى البدايه كانت لصالحى وصالحك-دلوقتى خطفوها مننا كالعادة الكبار فى الونجين وهترجع ريمه لعادتها القديمه - الكبار وبس -ونطلع من مطب ننزل فى نفق
يا أستاذ التاريخ يعيد نفسه والبرادعى ماهو إلا محمد نجيب أخر وسيكون سلمه لوصول الأخريين للحكم ومن فشلوا فى السابق (مع الفرق الشاسع لما حدث فى السابق )--- واحنا هنكون أحسن من المتحدث باسم الجمعيه اللى استقال الأستاذ حمدى قنديل-
رجع الجمعيه لمبادئها الأوليه ينضم لها كل الشعب - هو فيه حد راضى عن حاله - وما أنا إلافرد من الناس ولكنى أتابع الاحداث ونفسى تتغير ظروفنا للأحسن لكن تعبنا من أن نكون مجردسلمه للكرسى وبعد كدا عض فى صوابعك يامرسى- قطعناهم ياعم ابراهيم
وشكرا أستاذنا الكريم