[السيد صابر]

المشاركة الأصلية كتبت بواسطة محمد حامد الغنام

بصى حضرتك

هاتى الناس الى اعدين يفبركوا ارقام من دماغهم

وقللهم انهم مهما لو عملوا والى فى دمغهم مش هيحصل

واحب اقول لجماعه الأخوان المسلمين

الرئيس مبارك طيب جدااا

وانا اصلان لو كنت فى مكانة

لكنت صفيت حاجة اسمها اخوان مسلمين او بمعنى اصح كل المعارضة

الى انا مشعارف بيعارضوا على اية

المشاركة الأصلية كتبت بواسطة نجيب الهلالى

الى الاخ بانزر انا احترت جدا معاك مرة مش عاوز البرادعى ودلوقت فى تعليقك قلت عن الرئيس(
ده الكلام كان السنة اللى فاتت وما قبلها
يعني زمان النسب دي اتضاعفت وتم اكتشاف امراض نفسية جديدة للشعب !!)
انت مع مين بالظبط

ياعم محمد الغنام إيه اللي انت بتقوله ده بس
دا انت حاطت صورة نيابة ووكيل النائب العام يعني حماية الناس من البلطجة والنصب والفساد
يبقى عايز تخلص على كل المعارضة, أمال لو وقع تحت إيدك واحد إخواني وللا معارضة بقى هاتعمل فيه إيه
كده انت مش هتنصف الناس الأبرياء لأ انت هاتخرب بيوت ناس كتيير
ربنا يستر علنا ومنقش تحت إيدك

أما بالنسبة لنجيب الهالي
أحب أقولك إن بانزر زي كتيييييير جدا من المصريين
مش عايز مبارك لإنه خارب بيت أبو البيت اللي جنب البيت بتاع الراجل اللي فوق تحت هناك ده
يعني محدش سالم منه, ومن بلاويه هو واللي معاه
وأدينا بنسمع ونشوف منهم كل يوم العجايب
لحد ما خلاص لازم نحط الرئيس وحكومته ضمن عجاب الدنيا السبعة وممكن نخليهم عجيبة العجائب
وفي نفس الوقت
مش عايزين البرادعي
واحد عايش بره ميعرفش احنا عايزين إيه ولا مشاكلنا إيه ولا يعرف عن المواطن الكحيان حاجه
يبقى هايجي يعمل ايه
ولو افترضنا إن البرادعي مسك الرئاسة
تقدر تقولي هيعين مين في الحكومة
هو يعرف مين الناس اللي بتحب البلد بجد وممكن يفيدوها عشان يعينهم في المناصب دي
وللا هايجيب مجموعة من اللي عايشين بره يساعدوه
وبعدين الراجل صرح تصريحات لا تصلح لمواطن مصري مسلم
واحنا شايفين لما كان رئيس الوكالة الدولية للطاقة النووية
كان عارف معرفة تامه بإن العراق مفيهاش أسلحة لكن مقلش الكلام ده وكان دائما يطلب منهم التعاون
عامل زي اللي يرميك في المية ويقولك أياك تتبل
ألقاه في اليم مكتوف اليدين وقال إياك إياك أن تبتل بالماء
ولما الحرب قامت انكشف المستور وإنها كنت مؤامرة لا أكثر ولا أقل
وكان متعاون مع الامريكان تعاون شديد
يبقى انتخبوا ليه؟

وبعدين هي البلد خلاص خلصت معدش فيه غير البردعي ومبارك وجمال

فيه عمرو موسى وفيه ناس كتييير أوي ممكن تفيد البلد
بس مع الاسف
كل دول مبارك خلص عليهم سياسيا عشان مينافسوهوش على الكرسي
خلي عمرو موسى يقول أنا هارشح نفسي للرئاسة وشوف الجرايد هاتقول عليه إيه في نفس اليوم
هايخلوه خاين وعميل و..... و.....

والواحد رغم ده وده
عارف ان الأمر خلاص خلص
والانتخابات انتهت وتم فرز الأصوات وإعلان الرئيس الجديد

السيد المحترم أبو فريدة
جمال مبارك
ولا عزاء للأصوات