[الاستاذ / ياسر الشرقاوى]

اهلا بيك يافاطيمة
واية اخبار الامتحانات معاااااك
ارجو انك تكونى ماشية كويس
وبالنسبة لطلبك
انا لى نصيحة صغيرة ليكى
الفترة دية يا فاطيمة
عاوزة تركيز من الطلبة فى الحاجات الى خدوها طول السنة فقط وسيبكى من كلام الى
كل سنة فى فترة الامتحانات بيكتر الكلام من الطلبة حول بعض الموضعات
ومنها مثلا نلاقى طلبة بتقول دا القطعة الى هتيجى هتبقى عن المتحف الجديد
وواحد تانى لاء المسيو بتاعى بيوقلى انها عن اطفال الشوارع وواحد ثالث لاء لاء
القطعة الى هتيجى هتبقى عن السيول وواحد رابع وواحد خامس ودواليك وهكذا
كل مدرس بيقول كلام وكل مدرس لة طلبة ماشين وراء كلامة
طب الحل ايش
انا كطالب المفروض انى طوال العام الدراسى اكون اتدربت مع المسيو بتاعى على كيفية حل القطع بطريقة صحيحية وكمان اكون عرفت اية هى الاخطاء الشائعة التى يقع فيها الطالب عند حل سؤال القطعة
زى مثلا زمن الجملة وبعض الكلمات التى تغير معنى الجملة كا لنفى وكلمة قبل وبعد وقريب وبعيد واكثر واقل
وكمان الاعداد وكمان الجرائد وهكذا
بالطريقة دية حتى لو جابولى قطعة من كوالالمبور هعرف احل لية
لان ربنا لا يضع اجر من احسن عملا
وحاجة تاينة مينفعشى ان الطالب يقعد يقول ولا يسأل ولا يشغل بالة فى نوع القطعة الى هتيجى فى الامتحان
لان مفيش مدرس هيقدر يقولك وكلها توقعات وحتى يا ستى لو جت القطعة
مش بتيجى بنفس الاسئلة ولا بنفس الطريقة لسبب ان واضع الامتحانات لها شروط معينة

طب العمل اية فى الفترة الحالية
العمل انك لازم تراجعى بجد كل مواضيع الانشاء
الرسائل
البرقيات
المصطلحات
التعريفات
المقالات والحوارات
والخطابات
تراجيعهم اليومين دول قبل امتحان التفاضل
ولازم تكونى بدأت فيهم من امبارح
وكمان يوم الخميس برضة تراجعى تانى عيهم
ام يوم السبت يبقى فاضل القواعد والاسئلة اعتقد ممكن تراجعى عليهم بسهولة مع التعاون مع مدرسك
اخيرا والله لو انا شايف ان فى فائدة كبيرة من انى احطلك قطعة على الكلام دة كنت حطيتلك
على العموم ممكن مدرس فاضل من زملائى يلبى طلبك
ختاما ارجوة من المولى عز وجل ان يوفقك ويوفق كل احاببنا من الطلاب