اولا الموضوع ده للهزار
واللى مابيحبش يهذر ودماغه قافله يخرج دلوقتى
مش عارف الموضوع ده جه فى دماغى مره واحده
طبعا كلنا عارفين ان المدير ما بيدخلش كتير على الموقع
وبالاخص ما بيشرفناش فى الركن الرياضى
بس فى حاجه كده معموله فى الموقع بذكاء تدل على انه بيشجع فرنسا
وطبعا اللى بيشجع فرنسا ما بيحبش انجلترا
هتقولى عرفت ازاى ياخفيف ؟؟
اقولك انا شوف الصوره دى
التاريخ المكتوب تحت يوم ايه
يوم السبت 1/7/2006
اليوم ده كان يوم تاريخى فقرر انه يغير خارطة المنتدى
برضه هتقولى مش فاهم
بص للصوره دى وانت تفهم
يعنى اليوم ده اتغلبت فيه انجلترا حبيبتى من الربتغال وخرجت من دور التمانيه
وبرضه فرنسا اللى بكرها فازت على البرازيل 1/0
يعنى م الاخر كان يوم مشئوم من كله
وده اللى دفع عبقر انه يغير تاريخ عداد المنتدى ويبدأ من اليوم ده
وانا بطالبه بتغير العداد كمان 8 ايام
اليوم اللى اتغلبت فيه فرنسا من ايطاليا 9/1/2006
مش هيحصل حاجه يعنى ؟؟؟