[محمد حسن ضبعون]

حديث الرئيس محمد أنور السادات
الي إذاعة الشعب
في ٢٥ أكتوبر ١٩٧٥

المذيع : بالنسبة لمعارك أكتوبر أثبتت هذه المعارك بالفعل قدرةالانسان المصري علي التنفيذ والتخطيط علي أعلي مستوي عالمي معاصر ما هو تصور الرئيسالسادات للمنهج الذي يمكن عن طريقه أن تسري روح أكتوبر في كل مجالات العمل الوطنيالداخلي في بلدنا؟
الرئيس : هو أحنا نجحنا في حرب أكتوبر ليه ؟ نجحنا في حربأكتوبر لانه أولا أعددنا لها الارضية في جميع الاتجاهات بمعني الارضية عربيا كان لايمكن ندخل وأحنا ممزقين ومعارك جانبية بيننا أعددنا لها أفريقيا أعددنا لها أمامالعالم وأخذنا قرارا في مجلس الامن بـ ١٤ صوتا ضد صوت واحد سنة ١٩٧٣ أعددنا لها فيدول عدم الانحياز أعددنا لها بوضوح الرؤية ووضوح الخط أمام العالم كله وده اللي خليالعالم احترمنا ، كان فيه اعداد كامل ده بخلاف الاعداد الداخلي يمكن ماحدش يعرفالنهاردة اعداد واحد مجهول وأحب أن ده يتقال أحب أن الناس تعرف كيف اعددنا الجبهةالداخلية شعبنا في منشآتنا ومصانعنا وكل مرافقنا للحرب لا يقل عن الاعداد اللي أناخليته في المرافق الاخري وبعدين كان العنصر الرئيسي جيش مؤمن بالله ، مؤمن بوطنه ،مؤمن برسالته ، تدريب شاق عنيف علي أحدث ما في العصر من علم عسكري بكل هذه العناصرمجتمعة استطعنا أننا نكسب حرب أكتوبر معني هذا لما تيجي ننقله للقطاع المدني وفيالبناء معني أن احنا محتاجين لإعادة تنظيم كامل ، خاصة وأن احنا قفلنا زي ما قلتعلي نفسنا حطينا ستار حديدي من حولنا ، من حولين نفسنا وتصورنا أن احنا بمعزل عنالعالم سنأتي بالمعجزات ودا أثبت أنه خطأ وكانت النتيجة أن أحنا استنزفنا استنزافاكاملا مش بس استنزاف اقتصادي وانما استنزاف معنوي نفسي في سبع سنين سنين الصمودالرهيبة اللي أحنا قعدناها وجفت ونشفت موارد البلد بالكامل وتحقيق الستار الحديدياللي انا بحكي عليه بيضاف اليه روتين الحكومة كنا نشكو منه طول عمرنا ولكن زاد عليهمشاكل مرحلة من سنة ٦٢ مشاكلنا اللي احنا بنعانيها النهاردة محدش يظن انها نتيجةصمود السبع سنوات بس ، لا دي من سنة ٦٢ وإحنا بنرحل مشاكلنا في المرافق مثلا فياللي بيقولوا عنه اللي هو البناء الاساسي للدولة اللي هو بيطلق علي المواصلاتوالاسكان والمياه والتليفونات والنور المياه شبكة المياه محتاجة لتغييرها منذ عشرينسنة ، وكان لازم ابتدينا الكلام ده في سنة ،٦٢ فكنا بنرحل اللي بنعانيه النهاردةشبكة التليفونات نفس الشئ الكهربا نفس الشئ معدلات التنمية في النواحي زي الاسكانوغيرها اترحلت من سنة لسنة علشان نبني للانتاج فترحيل المشاكل من سنة ٦٢ لغاية ماابتدينا بعد ٧٣ بنعيد البناء مرة أخري هو ده اللي مسبب لنا الاختناقات اللي احنابنعيشها ، وأنا احمد الله انها يعني بعد ما يعرفها الناس أنها اختناقات بترحل منسنة ٦٢ احمد الله انها في حجمها الحالي اللي احنا بنشكو منه ما هيش في حجم أخطر كماكان يجب أن تكون لانه فيه جهد بيبذل أنا أملي كبير جدا لان ممدوح سالم اليوم عاشمعايا أولا معركة مايو اللي هي تصفية مراكز القوي وعاش معايا معركة ٧٣ اللي هيمعركة ٦ أكتوبر ، وكان القائد للدفاع الشعبي في الجمهورية كلها وفي عملية السويسكان له دور رائع أنا باقول أني باحمد الله انه النهاردة علي قمة الجهاز التنفيذي فيالحكومة لانه عاش معايا ده كله وعاش معايا التحضير لمعركة أكتوبر وهو بسبيله الانلتطبيق ما اتخذناه لكي ننجح في معركة أكتوبر في الداخل علي النهج الداخلي علشانننجح في معركة التعمير واعادة البناء إن شاء الله
المذيع : اخلاقيات القرية وروح الاسرة الفلسفة التي نادي بها الرئيسوالتي ترسخت اخيرا في الوجدان المصري ماهو الاسلوب الذي يري الرئيس اتباعه لتحقيقهذه الروح وتأصلها في مجال الاسرة العربية علي امتداد الوطن العربي كله خاصة بعد أنظهرت نتائج هذه الروح العائلية في حرب أكتوبر ؟
الرئيس : فرصة كويسة علشان أردعلي بعض الكلام اللي بيتقال النهاردة البعض يقول إن الامة العربية في مأزق بعداتفاقية فك الاشتباك الثاني ، التضامن العربي في مأزق ، أنا باضحك كل ما بقرأ هذاالكلام لانه ما عادش ابدا التضامن العربي بعد أكتوبر يكون في مأزق اللي يكون فيمأزق هو العقلية الحزبية الضيقة الاقليمية اللي بتنظر تحت رجلها بس ما بتبصش للاماملن يستطيع أحد أن ينال من التضامن العربي أو من الوقفة العربية اللي احنا واقفينهاالنهاردة ، لن يستطيع أي حزب ، لن يستطيع أي حاكم ، لن يستطيع أي فرد في الامةالعربية أن ينال من هذا التضامن يجوز يحصل سحابات من أن لاخر ولكن لابد أن تزول هذهالسحابات وهذه الغيوم لسبب بسيط اللي انت قلته ان التضامن العربي لم يبن علي اساسفرض ارادة دولة علي بقية العرب أو فرض ارادة رئيس علي بقية الملوك والرؤساء او ملكعلي الملوك والرؤساء لا التضامن العربي بنُي علي اساس ما ورثناه احنا العرب من قيماللي انا باعبر عنها هنا في مصر بأخلاق القرية
إن التضامن العربي بنُي علي اساس التقاء الاخوة علي الهدف بمحضاختيارهم وبدون فرض أي زعامة أو سيطرة عليهم زي اللي بيحاولوا البعض اليوم في حزبالبعث العربي الاشتراكي للاسف بتاع سوريا بيظنوا ان الاسلوب القديم بتاع محاولة فرضالارادة علي الامة العربية بيعطيهم زعامة دول غلطانين .. لن يعطيهم زعامة ولن يهتزالتضامن العربي شعرة اطلاقا لانه قائم علي مفهوم الاسرة اللي احنا بنقدسه واللي لهقيم عندنا في تاريخنا العربي له قيم وله ابعاد زي معني العيب زي معني ان كل انسانبيعرف حده وبيقف عنده حده ، زي احترام الكبير زي الشوري النابعة من الاختياروالارادة الحرة والواعية لمصلحة الاسرة جميعا المذيع : سيادة الرئيس المعروف أنسيادتك بدأت في عام ١٩٣٨ الكفاح الوطني الرافض لكل خطايا الحكم قبل الثورة وحتيخلال الثورة هذا الكفاح امتد سنوات فما هي نوعية العلاقة العضوية بين صمودكم الشخصيفي سنوات الكفاح أيام السجن والاعتقال والتشريد وبين صمودكم القومي والوطني منذتوليكم المسئولية؟
الرئيس : أكثر ما اعتز به في حياتي هو ما تعلمته في القرية لماتفتحت عيني لأول مرة علي الحياة في القرية وفي الحقول الواسعة والسماء الصافيةوالايمان اللي بنتعلمه ان الحبة بنضعها فبتطلع بإرادة الله وتدينا شجرة وثمار اعتزبهذا ، وده اللي بني الصلابة بدون هذه الصلابة أنا اتعرضت لمحن صعبة جدا كان اقساهامحنة السجن ولما ييجي اليوم اللي اكتب فيه عن السجن حقول أن الستة شهور الاخيرة من ٣١ شهرا قضيتها في الزنزانة رقم ٥٤ في سجن قراميدان تحت رقم ٢١٥١ السجين رقم ٢١٥١وفي الزنزانة ٥٤ لمدة ٣١ شهرا كانت تجربة محنة وآلام احمد الله اني خرجت منها سليمافأضافت الي ما صنعته بي القرية احكي لك قصة صغيرة ازاي أول ماجيت القاهرة من القريةالمذيع : كان سن سيادتك كام ؟
الرئيس : أول ما جيت كان والدي الله يرحمه في السودان ، نزل معالجيش المصري اللي نزل في سنة ٢٤ فخدنا في مصر سنة ٢٥ وأنا مولود في آخر سنة ١٨لانه ٢٥ ديسمبر يعني يبقي من ١٩ الي ٢٥ يعني حوالي ٦ سنين جيت مصر أنا جيت مصر وأناكنت من عائلة نعيش فيها تقريبا في خط الفقراء وتحته بشوية لكن جاي وأنا اشعر منالقرية اني في اصالة وفي نوع من التفوق كل اللي في المدينة دول ، كل اللي شايفه دهشاعر أنا بنوع من التفوق لانه في القرية لنا هناك دارنا ، بيتنا ، واعتزازنا بالارضوالعلاقات اللي بتخلي القرية كلها اسرة واحدة وتحط كل واحد في مكانه وتدي كل واحدحقه والحدود والعيب والمعاني والايمان والقيم
كل ده أول ما جيت القاهرة وأنا شاعر بهذا التفوق ، ونزلت اشتري منالبقال اللي أمام بيتنا نزلت اشتري كبريت في القرية عندنا ما نقلش كبريت نقول عليه " كسفريت" قلت له هات علبة كسفريت ، الاولاد واقفين حولي هاجوا من الضحك علي ،والبقال قال ما عنديش كسفريت
أنا استغربت أيه الحكاية ؟ قالوا ده اسمة كبريت أمام هذا الاحساسأولا بالتفوق قلت لهم لا هو اسمه كسفريت وظليت مصرا علي انه كسفريت لغاية ما باع ليالراجل العلبة وانه كسفريت برغم تهريجهم وضحكهم علي القرية بتدي مناعة ، بتدي اصالة، بتحمي الانسان داخل نفسه بأصالة لما ييجي المدينة ويشوف مظاهر المدينة الماديةوالمظاهر اللي في كثير منها بتنسي القيم والمثل بتاعة مجتمعنا ، بيحس ، هنا الفلاحمتفوق لانه ينتمي الي الارض ولو انه تحت خط الفقر
أنا بقول ان الفضل كله لما تعلمته من القرية لانها في كل مراحلحياتي وأنا تحت خط الفقر أشعر أني متفوق علي كل دول اللي في المدينة ، دول مع كلمظاهر الثراء وكانوا اصدقائي في الثانوي اغنياء ، وبيجوا بعربيات انما كنت في قرارةنفسي أحس بتفوق، علي كل دول لاني انتمي للارض الصلابة اساسها القرية ، زادتهاالمحنة ، محنة التشريد والسجن والمعتقل وزي ما قيل دي حكمة كبيرة جدا لا يبني الاممالعظيمة الا الالام العظيمة كذلك لا يبني الفرد من داخله بصلابة وقوة الا آلامعظيمة وأنا مارستها طول حياتي
المذيع : الحكم في العصر الحديث اصبح الان علم قائم بذاته سيادةالرئيس نادي بضرورة ربط العلم بالايمان ما هو دور الايمان بالنسبة لفلسفة الحكم عندالرئيس السادات ؟
الرئيس : برضه سؤال استطيع اني اتحدث فيه ساعات وساعات أنا أحكي مثلبسيط جدا عليه من واقع الحياة اللي احنا عايشنها علشان يكون قريب الي ذهن الناسوقريب الي ذهن من احبهم واعنيهم بالذات وهم شبابنا لان دول املنا في المستقبلوعليهم ستشكل به احلامهم ووجدانهم وأمالهم وطموحهم ، عليه سيكون مستقبل مصر نأخذمثل بسيط جدا بالعلم المجرد كان لا يجب أن اتخذ قرار ٦ أكتوبر العلم المجرد بيقولكومبيوتر دخل حسبتنا في الكومبيوتر احنا واسرائيل يخرج لك الكومبيوتر والعلم المجردبأن قرار ٦ أكتوبر وأي قرار للحرب ليس الا جنون مطبق محكوم عليه مائه في المائةبالفشل التام والضياع حكيت وأنا بحكي بعض ذكرياتي في ( الاهرام ) أن أنا توصلتعلشان يكون الانسان متوازن بعد المحن والالام اللي عشتها داخل الزنزانة ٥٤ ، والستشهور الاخيرة في هذه الزنزانة كانت أسعد ما عشت في حياتي، سيندهش الناس لما يسمعواأن أسعد ٦ شهور عشتها في حياتي برغم اني رئيس النهاردة ابدا لا عشت ولن اعيش احليمن الست شهور الاخيرة في الزنزانة ٥٤ ليه؟
المذيع : حتي بالمقارنة الان ؟
الرئيس : قطعا والي أن اموت بالمقارنة
المذيع : قطعا فيه سريهمنا اننا نعرفه من سيادة الرئيس الرئيس : بعد المعاناة الطويلة اللي قلت لكمعليها والآلآم الرهيبة الي بتصهر وتصقل الانسان توصلت الي معادلة غريبة جدا هذهالمعادلة لكي يكون الانسان في توازن دائم ودي بقولها لاولادنا شبابنا يجب ان يحرصعلي التوازن بين ثلاثة اشياء العقل بالقراءة والقراءة المستمرة لان ده الغذاء الليينمي العقل لان العقل زي الجسم في حاجة الي الغذاء والا يضمر تماما كما يضمر الجسموالقراءة والبحث المستمر ليس لمجرد القراءة وانما التمعن والفكر والخروج بالدروس منكل كلمة تقرأ لابد أن يحدث توازن بين العقل بهذا أو بين الجسم بأن يحتفظ الانسان بهعلي درجة من اللياقة علشان يخدم العقل وبيني الروح والروح هنا غذاؤها هو الايمانواذا استطاع الانسان ان يجد هذا التوازن بين الثلاثة ابعاد دول بيكون انسان اكتملالتوازن له ، ويستطيع أن يواجه أي شئ في الحياة لدرجة أن في الستة الاشهر الاخيرةفي السجن اللي حكيت عنها شعرت انني فوق الزمان وفوق المكان لم اكن اشعر أني في اربعجدران متر ونصف في مترين وجردل لمياه الشرب وجردل علشان استعمله بدل بيت الراحة كمايقول الفلاحين دي كان كلها زنزانة عشت ٦ شهور فيها لا الزمان ولا المكان بيشكل ليكما بيشكل لاي انسان عادي ارتفعت فوقهم ، ليه ، لانني استطعت اني اوجد هذا التوازن
سؤالك عن الايمان وانماط الحكم لو أنني في الحكم وانا حاكم ويأخذبالعلم فقط واروح علي الكمبيوتر واحط مشكلتنا أنا واسرائيل سيكون الجواب المؤكدالقطعي أن هذه عملية انتحار وجنون ولكن فيه بعد آخر وهو الايمان جونسون اللي تحالفمع اسرائيل ضدنا واللي اداها اشارة الهجوم علينا طرد وزير الحربية بتاعه اللي هوماسك البنك الدولي دلوقتي وزير الحربية ماكنمارا طرده لانه في وسط معركة فيتنام قالله الاسلوب اللي احنا ماشيين به ده غلط احنا ناسيين بعد اساسي مش مدخلينه في حسابناوهو ارادة الشعوب فطرده جونسون علي طول وثبت أن ماكنمارا كان علي حق بعد ذلك نفسالشئ حصل في ٦ أكتوبر لو اني اخترت بالعلم فقط لما دخلت هذه المعركة العلم يقولبحسابه انها جنون وانتحار مطبق لكن فيه بعد آخر هو ارادة الشعوب صلابة هذا الشعبالايمان بتاريخ مصر وبقداسة كل حبة تراب في مصر والايمان اللي يصل الي حد اشرف ليالف مرة وأنا كان في حساباتي اني ادفن انا وعساكري في القناة
ويجي الجيل اللي بعدي يقول السادات وجيله رفضوا حائط الهزيمةوالاستسلام وحائط الرعب والخوف رفضوا كل هذا ودخلوا وماتوا أنا واثق ان الاجيالاللي بعدنا كانت حتكمل وحتنجح انما لو قبلت انا حائط الرعب والاستسلام والانهزاميةكان معناها اني مش ححارب ابدا وكان يسبب للاجيال أسوأ مثل بعدي هنا بقي بعد الايمانهو اللي تدخل في قرار 6 أكتوبر