حديث الرئيس محمد أنور السادات
الي اذاعة الشعب
في ٢٧ أكتوبر ١٩٧٥
المذيع : الشباب ياسيادة الرئيس هو أمل بلدنا .. أمل شعبنا.. املمستقبلنا كله الشباب له حقوق وعليه واجبات هل يتفضل السيد الرئيس بمخاطبة الشباب فيهذا الاطار ليعرف حقوقه علي مجتمعه وواجبات مصر عليه ؟
الرئيس : زي ماقلت مافيش حقيقة عندي اغلي من هذا الحديث لابنائناالشباب لانهم مصر المستقبل احنا خلاص جيلنا اوشك انه يسلم للجيل اللي جاي خلاصانتهي انا بدي ان شبابنا يعرف مثلا انه زي ماله حقوق عليه واجبات باديء ذي بدء انااريد شبابنا انه يقرأ تاريخ بلده وكل الشباب لابد انه يتزود بحقيقة المراحل اللي مربها كفاح بلده علشان يقدر يكمل هو المسيرة لان مسيرة الشعوب وتاريخ الشعوب حلقاتمتصلة لايمكن ان تنفصل ابدا يوم ما بتنفصل او ييجي الاستعمار ويفصلها هنا بتكونكارثة وبتتأخر البلاد وهذا ينطبق علي الاستعمار البريطاني لما جه من ٧٤ سنة او ٧٥سنة وقطع تاريخنا زي ماهو عايز واللي حتصححه ان شاء الله اللجنة بتاعة حسني ان شاءالله عايز شبابنا أولاً يعرف تاريخ بلده ثانياً عاوز شبابنا يقرأ وبودي في يوم اكتبلهم اللي اتعلمته داخل السجن
اول مايبدأ الفرد حياته الشريفة يوم ان يعلن استقلال نفسه كما يحدثللامم تماما لاتبدأ حياة الامة حياة شريفة الا باعلان استقلالها يجب ان يعلن كل شاباستقلال نفسه مش استقلال نفسه عن مجتمعه ولا عن قيمه ولاعن قواعده لا استقلال نفسهأنه يمتليء بالثقة اولا بعد ما يقرأ تاريخ بلده ويعي تاريخه ويفتح عقله كاملا لكلمايجري من حوله مايخدش زوايا ويسيب زوايا في اعلان الاستقلال ده قريت فيه وانا فيالسجن كتاب لقرانك كرين أرجو ان الفوائد اضعها امام ابنائي ان شاء الله علشان ازاييبتدوا حياتهم واستقلالهم استقلال شخصياتهم بدي اقول لشبابنا كمان انه ما ينفصلشاطلاقا عن اصله وعن جذوره تحت أي شعارات ومذاهب ومعتقدات لا خلينا متمسكين لكي نظلعلي اصالتنا للشباب حق علي الدولة ان احنا نوفر له الفرص المتكافئة لكن لازم يعرفانه مش زي ماكان مراكز القوي زمان عايزه توهم الشباب ان الشباب يطلع يلاقي كل شيءجاهز قدامه ومافيش حاجة مش حيتعب في حاجة لا الحياة كفاح ولذة الحياة ان الانسانفعلا يحقق بكفاحه وبعرقه ماراود خياله وماتصوره او ما يحقق له حياة احسن باستمرارفي كل جيل بمعني انه لازم اخلي اولادي يكونوا احسن مني واعلمهم علشان يخلوا اولادهمأحسن منهم وبذلك ترتقي الاجيال كلها
انا سعيد جدا وبقولها لاول مرة برغم كل اللي حصل في السنوات السابقةلـ ٧٣ من انحرافات من بعض شبابنا في الجامعات القاعدة الطلابية الاساسية كانت سليمةمائة في المائة مع انه التمزق والمرارة والهزيمة وابعادها والتشاؤم والانهزاميةاللي كان بيبشر بها بعض الكتاب في مصر وخارج مصر وفي الامة العربية والحرب النفسيةالشرسة اللي كانت موجهة لنا من امريكا واسرائيل والغرب وكله برغم هذا ماحصلش عنديخسائر استطيع ان اقول انها خسائر كانت بعض العناصر بأقول عليها انها عناصر منحرفةفي وقت من الاوقات قدرتهم كلهم كانوا بمائتين عندي وانا في الوقت ده كان عندي فيالجامعات كلها ٢٥٠ الف طالب فمائتين من ٢٥٠ الف شيء لايذكر علي الاطلاق لكن نصيحتيفي كل هذا ان اولادنا يكونوا واعيين ولهم علينا حق انهم يعبروا عن رأيهم ويشتركوافي امور بلدهم ويحرسوا حقوقهم كمواطنين الي جانب طلب العلم ولكن بالاسلوب السليم منخلال المؤسسة واحنا دولة بلغنا الرشد النهارده محناش دولة متخلفة تعتمد عليالانفعال
المذيع : مع التسليم الكامل بحرية الانسان في التعبير عن رأيه ماهيفي تصور السيد الرئيس النغمة الصحيحة للاعلام المصري بمختلف اجهزته من صحافة واذاعةوتليفزيون بحيث يخدم هذا الاعلام المصري أهداف شعبنا المصري وأمته العربية ؟ الرئيس : أنا لي تجربة في هذا بعد ١٩٧٣ انا طبقت كاملا حرية الصحافة بالكامل حصل رد فعلكلنا حسينا بيه يوم ماجه واحد بيقول الثورة حتقوم امتي ليه ده انا باقرأ الصحفبتاعتكم مافيش حاجة في البلد كلها منهارة وكل شيء منهار والجهاز الحكومي منهاروالدنيا كل حاجة راحت في داهية والرشاوي وكله اندفعت الصحافة نتيجة كبت اربعين سنةاو اكثر اندفعت في اتجاه خاطيء ونبهتهم الي هذا في قصر رأس التين مرة لكن انا برضهفي تقديري في النهاية ان المكسب اكثر من الخسارة بالحرية وعلشان كده انا في كلالمراحل اللي فاتت بعد ١٩٧٣ ابدا لا لجأت ولن الجأ لاي حد من حرية لا في الصحافةولا في وسائل الاعلام ولا حاجة لكن انا ليه ملاحظة علي الصحافة وعلي وسائل الاعلامعندنا لسه برده هناك ميل من البعض الي انه يجسم الامور بأكثر من حقيقتها سواء فيالناحية التفاؤلية او في الناحية التشاؤمية والاثنين غلط مانكون وسط احسن فيالتفاؤل والانفتاح البعض يتطرف تتولد امال عند الناس بيجوا يطالبوني بها اقول لهمياناس ربنا خلق الدنيا في ست ايام وكان قادر يخلقها في لحظة يعني بيعطينا حكمهواحنا طالعين من معاناة من ١٩٦٢ زي ماقلت لكم مش من سبع سنين الصمود بس بعد ١٩٦٧ لاأبداً من١٩٦٢ واحنا بنرحل مشاكلنا اللي بنواجهها النهاردة دي كل وبعدين بتيجيمناسبات كثيرة وسائل اعلامنا ما بتديهاش العناية الكافية . مثلا. نعم كمثل مثلا : مايتم من عودة المهجرين ٦٠٠ الف الي المدن الثلاثة والمأساة اللي عانوها وهم مهجرينثم عودتهم بمشاكلهم حتي بمشاكلهم هناك في موقعهم لكن مجرد عودتهم لموقعهم دهماتصورش التصوير الكامل مخدش حقه معركة ٦ اكتوبر مخدتش حقها لغاية النهارده فياعلامنا حقيقة
المذيع : في الوقت اللي العدو وفي ٥ يونيو استغل هذه الضربة يعني ماكتبه عن الضربة يعني غير معقول عشرات ومئات الافلام والكتب نزلت علي طول بحيث بدتصورتها كأسطورة وخرافة وكادت ترسب في عقل الانسان العربي ان دي معجزة وان الانسانالعربي عليه أن يستسلم لها استسلام كامل
الرئيس : تمام ٦ اكتوبر مناسبات مثلا بالضبط كفاح السويس يوم ٢٤ فياكتوبر ٧٣ الكفاح الرائع اللي ده نقطة تحول ليه .. ده نقطة تحول لأن اسرائيل بتقوللها طيب امال لو جيتي للكثافة السكانية الكبيرة بقي ده هنا ماكنش فيه كثافة سكانيةوحصلك اللي حصل لك ده درس ودرس التاريخ العبرة واللي جره وبعدين مثلا تراثنا عايزبعد كده انه شعراءنا لما بتيجي ذكراهم بيتقال عليهم ونقول عنهم وبنحكي قصصهم تراثنااهملنا احنا تراثنا في الفن عندنا في مختلف فروعه انا شايفه متخلف لانه انا عايز فنالجموع يعني مثلا في وقت من الاوقات قلتلهم الفرقة اللي نجحت فرقة الموسيقي العربيةدي انا عايز لها بدل ما الكورال يبقي ٢٠ او ٣٠ انا عايز لها ٢٠٠ كورال والاوركسترابدل مايبقي ٢٠ او ٣٠ يبقي ٨٠ اوركسترا
المذيع : الفردية
الرئيس : في كل النواحي في كل الفروع محتاجينلنظرة جديدة انا بقول احنا وسائل اعلامنا مقصره فيها وبعدين ربط المعركتين معركةالتحرير ومعركة البناء والتعمير مع بعض وتتبعهم يوميا تتبعهم في وسائل الاعلامالمرئية والاذاعة او الصحافة ، الي جنبها كمان مشاكلنا انا عايز مشاكلنا بس مش عايزمبالغة زي ماقلت لك اهم وقت من الاوقات طلعوا وقالوا البلد كلها رشاوي والبلد كلهاوالبلد قام مشروع يعني ان أهوه علي انه من الـ ١٥ مليون دولار اللي كنت هاجيبهمكباية لبن لكل طالب ووفر جنيه واكتفاء ذاتي لشعبي كله يروح منها ٣ مليون دولار عليالارض زي بعضه بس في النهاية في سنة واحدة ها اكسبهم انما الخوف كتف الناس وسائلالاعلام لو فتحتوها وقرأتوها الرشاوي وما فيش حاجة بتمشي من غير رشوة والمشاريعورجال الاعمال بيتابعوا ده والموظفين بيخدوا عموله واللي صفقة الاتوبيسات بتاعتايران كان شيء مذهل جايبين الف اتوبيس من ايران والعملية واضحة ومعلنة ومكشوفةوتماما ومافيش حاجة ابدا وقامت قيامه الدنيا في وسائل الاعلام حتي التشكيك بيخليالناس تحجم وتخلي الجهاز الحكومي اللي هوه تعبان من الروتين المهبب اللي احناوارثينه بيزيد تزمت
مشكلة زي مشكلة فلسطين اللي هي مشكلتنا كلنا مشكلة الامة العربيةكلها كم واحد كتب عن التاريخ الحقيقي لفلسطين وتاريخ المشكلة منذ خمسين سنةوالاجتماعات اللي عقدت في لندن من لندن الي ان حدثت كارثة ٤٨ والحقائق ليه هم بعدده مابيوضحوش ويتكتب فيه وتتحلل لشعبنا ولإمتنا العربية احنا عايزين صحوة جديدة فيوسائل الاعلام عندنا
المذيع : ان شاء الله يافندم العالم كله الان يترقب النتائج التيستسفر عنها زيارة السيد الرئيس للولايات المتحدة الامريكية ياتري ايه توقع سيادتكلهذه النتائج واثارها بالنسبة لشعبنا ولعلاقاته بالنسبة للعالم الخارجي عموما يعنياقتصاديا وسياسيا ؟ الرئيس : الحقيقة الزيارة اولا رد علي زيارة نيكسون لنا سنة ١٩٧٤ وثانيا بيهمني فيها انه نعمل مباحثات في أمرين مهمين اولا الاول هو القضيتينقضية النزاع العربي الاسرائيلي اللي احنا جزء منها والرؤية بالنسبة للمرحلة المقبلةعلي ضوء ماتم من خطوات ومالدي من تعهدات امريكية وما استطيع ايضا ان احصل عليه منرؤية امريكا وخاصة وانه انا احمد الله انه استطعنا ان امريكا بدلا من ان تحتكرهااسرائيل بنفسها تماما استطعنا ان نزحزح هذا الاحتكار أو تحدث فيه خلخلة بحيث اصبحتامريكا تري الامور بنظرة موضوعية وكما قلت انا السياسي العربي الذي لايعرف او يحاولان يتجاهل ان امريكا طرف اساسي ان لم تكن الطرف الاساسي في هذه المشكلة فلا يصح انيطلق علي نفسه اسم سياسي عربي لان امريكا هي اللي بتدي اسرائيل الخبز والمدفعوالدبابة والطائرة كله ده طبعا موجود
وزي ماقلت انا طبعا داخل اطار استراتيجيتنا اللي احنا رسمناها فيمؤتمرات القمة وهي انه لاتفريط في شبر من الارض العربية ولا مساومة علي حقوق شعبفلسطين الجزء الثاني : هو العلاقات الثقافية بين امريكا وبيننا وآن الاوان بقي انهاتأخذ شكلا خصبا يعبر عما يقوم به البلدين الان وزي ماقلت انا في مجلس الشعب مافيشبقي هناك مجال انه نعمل خصومة تقليدية مع امريكا وصداقة تقريبية مع الاتحادالسوفيتي مابيبقاش ده سفارتنا لا نحن اصدقاء الجميع وعلاقتنا متوازية مع الجميعولكن في المجالات اللي نستطيع ان تساعدنا فيها امريكا في هذه الزيارة لابد ان حيكونلها بحث شامل وعلاقتنا مع امريكا زي علاقتنا مع الاتحاد السوفيتي بيحكمها شعار واحدهو احترام ارادتنا الوطنية طالما بيحترموا ارادتنا الوطنية فنحن علي الرحب والسعةتماما لامريكا الاتحاد السوفيتي أو اي قوة اخري
وارجو ان تتاح لي الفرصة بعد ما ارجع ان شاء الله لاني اقول او احكيعما تم انجازه في هذه الزيارة ان شاء الله