اقتباس:
المشاركة الأصلية كتبت بواسطة fatakat400
اولا: اشكرك عالتوبيك الجميل ده
ثانيا:انا داخله تالته ثانوى بس ازهر ومجموع الازهر من تالته بس
انا قسم علمى
بعشق الرياضه والفزيا
وبحب الاحياء جدا وكنت بحب الدراسات جدا برضه
بس عمرى معرفت احفظ بنص الكتاب كنت افهم
واترجم بمزاجى
مشكلتى بقى انى مش عارفه انا عوزه اخش ايه
شوفوا الخيارات اللى قدامى
كنت نفسى اخش شرطه بس انا نظرى ضعيف منفعش
وبحب الطب النفسى جدا ونفسى ابقى دكتوره نفسيه جدا
اينعم مشاكلى ببقى متسرعه فيها بس مشاكل الناس بحب احلها
نفسى ادرس علوم ما وراء الطبيعه والحجات دى
ونفسى اخش هندسه لسبب ان اخويا دخلها وسابها واهلى نفسيتهم تعبانه من سعتها
والسبب التانى انا بحب الرياضه جدا
ونفسى اخش علوم جدا جدا ونفسى ابقى عالمه فيه بس انتم عارفين مستوى كليه علوم فى مصر
وخصوصا الازهر كل لما اقول لحد علوم يبصلى كانى بشتمه
وماما نفسها اخش طب اسنان
وبابا نفسه اخش صيدله
بس همه سيبنى براحتى
ده بالاضافه انى بحب حقوق ساعت لما اقول كده الناس تبصلى باستحقار
كانى سرقت او قتلت
وبحب حاسبات ومعلومات
شفتم كل دول
بس انا خايفه اخش تالته م غير ماعرف هدفى او الكليه اللى
هعمل عشان اخشها
ومن كل ده يتضح ان
يبقى الوضع كما هو عليه الى لقاء آخر فى مجزره امتحانات تالته ثانوى
|
عايز اعلق علي حاجة بس مستوى كليات العلوم كويسه جدا
ودلوقتى اطبق مجالات واقسام جديدة في كليات العلوم المصريه
زى علوم البترول ومنافسته لهندسه بترول
ودة قسم خاص في بعض كليات العلوم
بيوصل تنسيقه ل 98 في الميه
والمشرف عليه شركات بترول اجنبيه
والراعي للقسم دة اكبر شركات البترول في مصر وفي اوربا
...................................
وزى مجال الكميا الاكلنيكه والطبيه وهو تخصص في التحاليل الطبيه وهو العلم الخاص ببيولوجيا السرطان ودلالات الاورام وانزيمات الكبد وانزيمات الكلي وانزيمات القلب والهرمونات واالامراض الخاصه بيهم والتحاليل الخاصه بيهم بالاضافه الي كل التحاليل الكميائيه في كل سوائل الجسم
وممكن تتخصصيي في الماجستير وتبقى عالمه في السرطان ودلالات الاورام
واثناء الماجستير بتنزل مستشفيات وتتعاملي مع مرضي وتسحبي منهم عينات دم او بول او ايا من سوائل الجسم
ممكن بعدها تفتح معمل تحاليل طبيه خاص بتحاليل الكميا الاكلينيكه
ووممكن تحضر ماجستر ودكتوراه في التحاليل الطبيه في تخصص الكميا الاكلنيكه ووتدرس في كليات العلوم او الطب سواء المصريه او الاجنبيه
...............................
وزى مجال الميكروبيولوجيا الاكلينكيه الطبيه وهو تخصص اخر في التحاليل الطبيه
ودة بيبقي خاص بدراسه الامراض الميكروبيه سواء بكتريه او فطريه او فيروسيه والتحاليل الخاصه بيهم سواء كانت في اي منطقه من الجسم
واثناء الماجستير بتنزل المستشفي وتتعامل مع مرضي
وتاخد منهم عينات البكتريا والفطريات والفيروسات
واحيانا بتبقي رساله الماجستير في مستشفي معينه
واحيانا بتلف في كذا مستشفي علي مستوى الجمهوريه
عشان تلاقي مريض عنده المرض دة
وممكن بعدها تفتح معمل تحاليل طبيه خاص بتحاليل الامراض الميكروبيه
ووممكن تحضر ماجستر ودكتوراه فيها وتدرس في كليات العلوم او الطب سواء المصريه او الاجنبيه
وفيه دكاترة تحاليل من كليات العلوم في تخصص الميكروبيولوجيا الطبيه دكاترة في كليات برة في امريكا وفي اوربا بردو
ومن اهم دكاترة التحاليل في امريكا الدكتور حسن عزيزى
وكان مكسر الدنيا في التحاليل في امريكا
وهو محاضر دولي وعالمى في التحاليل الطبيه
.............................................
وزى مجال الميكروبيولوجيا التطبيقه
1-زى انتاج الادويه من البكتريا والفطريات
ودى بتشمل ادويه كتيرة جدا منها المضادات الحيويه والفيتامينات و الادويه الخاصه بالسرطان والادويه الخاصه بالجلطات والادويه الخاصه بالهضم وانتاج اللقاحات والامصال
وممكن منها تشتغل في مصانع الادويه في قسم الميكروبيولوجى
وممكن الواحد يربط بط الميكروبيولوجيا الاكلينكه الطبيه بالميكروبيولوجيا التطبيقه
يعنى يعمل رساله ماجستير في مرض وعلاجه
يعنى مثلا مرض السل وانتاج مضاد حيوى ليه وهكذا
2- زى تنقيه الميه من البكتريا والفطريات
ومنها ممكن تشتغل في شركات الميه
3- زى انتاج المواد الحافظه والانزيمات
ومنها ممكن تشتغل في شركات الاغذيه
..........................................
زى مجال الكمياء
ودة ممكن منه تشتغل في المصانع المختلفه
وطبعا الكميا ليها انواع منها الكميا التحلليه والعضويه للي بتشمل كميا الادويه او الكميا العلاجيه و ايضا هناك الكميا الفزيائيه
مصانع الادويه تعمد علي كميا الادويه او الكميا العلاجيه والكميا التحلليه
اما باقي المصانع مثل الحديد والصلب والغزل والنسيج ومصانع مستحضرات التجميل الخ
فتعتمد علي الكميا التحلليه والكميا العضويه والتطبيقه
فاحنا عندنا الكليه بتطلع تلات اتجاهات
عالم طبي
عالم تطبيقي
عالم بحثي
...............................
العالم الطبي دة ببيشمل حجات كتيرة
1- الكميائيين الطبيين(اخصائي التحاليل الطبيه في الكميا الاكلنيكه) للي زى ما قلت بيشتغلو في مجال الكميا الطبيه الاكلنيكه
2-الميكروبيولوجين الطبيين(اخصائي التحايلل الطبيه في الميكروبيولوجيا الطبي9 ودول بيشتغلو مجال الميكروبيولوجيا الطبيه
3- علماء المناعه والباراسيتولوجى والهيماتولوجى وهو تخصص اخر في التحاليل الطبيه موجود في الماجستير والدكتوراه في كليات العلوم
الهيماتولوجى تعنى امراض الدم
الباراسيتولوجى اي الطفيليات
اما المناعه فلها كذا تخصص منهاا مناعه ميكروبيه ودة بيدرس في قسم الميكروبيولوجى او قسم علم الحيوان
والتخصص الاخر هو مناعه سرطانيه
ودة التخصص للي منه اكتشف الدكتور ممدوح غنيم علاج للسرطان
وهو معاه ماجستير ودكتوراه في المناعه
4-منهم االكميائيين الشرعيين ودول بيشتغلو في الطب الشرعى والبحث عن الجرائم
5- اخصائي اطفال الانابيب ودور العلمى هنا ياتى بعدما البويضه والحيوان المنوى استخرج بواسطه الطبيب
فياتى العلمى بتلقيح الحيوان المنوي والبويضه
.........................
العالم التطبيق للي
بيشتغل في المصانع
زى الكميائي التطبيقي للي بيشتغل في مصانع الادويه ومستحضرات التجميل واحديد والصلب والغزل والنسيج والصبغات والملح والصود الخ
وزى الجيولوجيين وعلماء البترول والجيوفزيائيين للي بيشتغلو في شركات البترول
وزى الميكروبيولوجيين للي بيشتغلو في مصانع الادويه وشركات المياه الخ
وزى المبرمجيين او خريجى قسم علوم حاسب للي بيشتغلو في شركات الكمبيوتر
..............................
العالم البحثى
ودة للي بيشتغل في مراكز البحوث وشغله بيبقي علي الابحاث