بسم الله
أزيكم عاملين أيه؟ أيه أخبار السعادة معاكم؟ :D
بس بس من غير ماتزعلوا خلونا نكمل مظاهر حب الله لينا
انا مش هأتكلم عن خلقنا وشكلنا أو حتي عن العقل اللي فضلنا بيه سبحانه
أنا عاوزة أكلمكم عن حاجة تانية خالص
عن وجوده عز وجل في حياتنا عن جعلنا قادرين نكلمه سبحانه كده بسهوله بس نرفع أيدينا للسما ونقول يارب
مهما كنا عصاه مذنبين دي حتي الحرامي بتجيله الجراءة ويقول يارب
ودي نعمة كبيرة للي يقدر الناس العلمانيين الغير مؤمنين بالله بينتحروا
صحيح أصل مفيش ملاذ للقلوب المتعبة من الدنيا غير ربنا لا ومن رحمته جعل السكه بينا
وبينه عز وجل مفتوحة ورفض سبحانه جعل وسيط بينه عزوجل وبينه حتي لوكانوا الصحابه أو الاولياء الصالحين
شفتوا بيحبنا أزاي
أحمدوا ربنا معايا من قلوبكم علي نعمته وأستغلوها أوعوا تقولوا أحنا مذنبين ندعوا ربنا أزاي
لا أدعوا ربنا عايزنا ندعي
عايزة أتفق معاكم علي حاجة فكروا في يومكم من أول النهار لاخره وركزوا هاتشوفوا الحاجات
البسيطة اللي ربنا بيبعتهلنا علشان يطمنا ويقولنا أنا معاكم وعنايتي حواليكم
الكلام ده بيحصل كل يوم أحنا اللي مابناخد بالنا يلا بسرعة عايزين نستمتع بكل لحظة وأحنا
مطمئنين أنا ربنا معانا وحوالينا
هأستناكم تقولولي علي نتيجة الوصفة :D
ربنا معاكم
