أولا أهلا بيك معنا فى المنتدى
الوزير مش عايز طلاب من كوكب تانى ولا حاجة
بس عايز يطلع طالب متعلم بجد
طالب يقدر يقدم حاجة للبلد دى
ايه فايدة الطالب يجيب 100% و100.02% وهو كل الى عامله طالب حافظ كتب وبس
يخرج من الأمتحان مش فاكر ايه الى درسه
السنة الى كنت أنا فيها فى تالتة ثانوى مالا يقل عن ربع الطلبة فى الجمهورية كلها جايب 100% وأكتر شوية
والربع منهم بس هو الى تعب بجد وكمان ما تعبش لدرجة 100 %
والباقى مشترى الأمتحان
الوزير عايز طالب فاهم مش حافظ طالب يشغل دماغه
ودا الصح ، وماعتقدش إننا لو إستمرينا على نظام الحفظ هنعرف نتقدم فى أى مجال
والموضوع مافيهوش أى كلام ولا أى خلاف
المفروض كلنا نحييه ونحاول نكون ناس بجد فاهمين مبتكره مبدعه
ايه المانع إنه يكون عايز الطلبة مخترعين
أساس أى تقدم فى أى بلد هو العلم
معلش طولت عليك / عليكى
ربنا يوفقك
__________________
لا تبك على الحياة فما هى إلا لحظات ولا تتزمت فكل ما هو آتٍ آت
|