هل بتقابلهم في حياتك؟
أيوة .. قابلتها مرة .. بس متكررتش
وازاي تعرف انهم اصدقاء مصلحة؟
بيبان .. يعني مثلا الموقف اللي حصل معايا اني كنت كل سنة أطلع من الأوائل .. وحصل في سنة ان ربنا ما أرادش واني أطلع من الاوائل يعني .. فقامت سايباني وراحت صاحبت اللي طالعة هي من الاوائل مكاني .. والسنة اللي بعدها لما طلعت من الاوائل .. جت وحاولت انها ترجع معايا ونبقى اصحاب تاني .. لكن بالتأكيد رفضت
وازاي تتعامل معاهم بعد كده؟
عادي .. بس أكيد مش زي الاول .. يعني ع الاقل هحسسها بالذنب اللي عملته .. وهحسسها انها مش فارقة معايا .. لأن الواحد لما يتخدع في حد يعز عليه .. بتكون أكبر وأوحش صدمة
لكن ماما كانت قايلالي كلمة زمان :
قالتلي اللي يبيعك بيعيه برخص التراب .. لكن اللي يجرحك اوعي تجرحيه حتى لو كنتي قادرة .. لأن ده بيبقى أكبر عقاب ليه