[صوت الامة]

المشاركة الأصلية كتبت بواسطة EL BASHMOHANDIS

بادينا احنا بنعمل مصر يا اخوانا

احنا اللي ادينا اصواتنا للاعضاء اللي بيروحو يقعدو على مصطبة المجلس ياكلو " لب وسوداني " وفي ناس مبتروحش خالص

بادينا احنا اللي بنهتف " يعيش فلان " واحنا نفسنا انو يموت امبارح قبل بكرة

بادينا احنا اللي بنكتفي بالفرجه على اللي بيحصل في البلد على شاشة التليفزيون

ولما يطلع واحد من المفترض اننا كنا نحسبه على خير يعني يقول " لن اتقدم لانتخابات الرئاسة لو ترشح الرئيس
مبارك "

ممكن يكون خايف يحصلو زي اللي حصل لـ "ايمن نور " لو تفتكرو اللي حصله .

ومنزعلش من موقف قناة الجزيرة السلبي تجاه مصر وانتقادها لحالنا اللي في نفس الوقت احنا نفسنا بننتقده

شكرا موضوع حضرتك جميل

تقبل تحياتي

بارك الله فى حضرتك
كلامك جميل جداا
تعليق بسيط بس
حضرتك عارف ان البلد الحمد لله ديمقراطية جدااااااا
وخاصة فى حكاية الانتخابات دى
عاوز اقلك الى احنا اخترناهم فعلا احنا بنفسنا
مش هيوصلو 20 % من مجلس الشعب او الشورى والباقى واخدينهم بالعافية وبالتزروير
زى الريس ما خدها الدورة الى فاتت كدة هو فى حد كان انتخب الريس؟؟
وادى حضرتك شوفت الى حصل مع ايمن نور لما حب يترشح قدامة اية الى حصلة
والله يا باشمهندس احنا فى ماساة
ربنا يفرجها من عندة وقادر يحلها واكيد فى يوم هنتخلص فية من العبودية الى احنا فيها دى
شكرا لمرور حضرتك الى اسعدنى يا باشمهندس ربنا يكرمك ويبارك فيك