[د.حاملة المسك]

تعالى بقى اديكى الوصفة للبس النقاب </span> ...</span>

بس انا مش بفكر البسه دلوقتى ,,, مش مشكلة اتبعى الوصفة بس

طب انا عايزة بس المشاكل طيب برضة اتبعى الوصفة

1- النية::

مهم اوى يا بنات خلى نيتك صافية لله تعالى " انما الاعمال بالنيات " بصى خلى اى عمل تعمليه فى سبيل لبس النقاب ولو حتى كانت حاجة بسيطةة نيته خالصة لله تعالى .. حتى قراءة الموضوع دة اصدقى النية مع الله وربنا هيوفقك ان شاء الله.

2- الدعاء::

دة بقى اقوى سلاح معاكى .. بجد يا بنات والله ...

قوليله يارب اعنى على النقاب يارب اهدينى يارب الخطوة دى صعبة اوى ومقدرش اخدها منغير مساعدتك .. ادعيه يا حبيبتى ..

" وإذا سألك عبادى عنى فإنى قريب أجيب دعوة الداع إذا دعان فليستجيبوا لى وليؤمنوا بى لعلهم يرشدون"

والله يابنات وعن تجربة :::
طب انتوا عارفين انا طول عمرى بقول انا مش هتنقب الا بعد ما اجوز او بعد ما اكمل 30 سنة اه والله .. دة حتى لوقت قريب .. وقلت ممكن افكر بعد الكلية بس كنت بقول مش ممكن ابدا البسه وانا فى الكلية ..
بس والله فى نفس الوقت اللى كنت بقول كدة كنت بقول يارب اهدينى والبسه فى وقت قبل دة .. وشوفى سبحان الله ..
والله العظيم يا بنات بدعوة واحدة مرة كنت نازلة مع اصحابى كانوا اتنين منتقبات لما شفت انهم منتقبات وانا لا دعيت ربنا فى نفس اللحظة يا بنات انى اتنقب بس دعيته بصدق ..
والموضوع عدى عليه كام شهر كدة وشوفى سبحان الله ...

3- الجهاد والصبر ::

ايوة يا حبيبتى لان اكيد الطريق مش سهل .. لازم يكون عندك جهاد وصبر لانك مقبلة على طاعة والشيطان مش هيسيبك فى حالك وهيحاول يثنيك عن العمل دة طبعا .. فمحتاج منك شوية مجهود حبة .. والله المستعان,,

4- بعض العوامل المساعدة ::
عايزاكى تعملى كدة شوية حاجات .. عايزاكى تقرى وتسمعى كتير عن النقاب لان دة هيحببك اكتر فى النقاب شوفى اى حد بترتاحيله اسمعى له ,,, حاولى تتكلمى مع المنتقبات اللى فى فى نفس مجالك او بينك اى حاجة مشتركة يعنى معاكى فى نفس الكلية , قريبتك ,, كدة يعنى اسأليها عن تجربتها برضة دى حاجة مهمة ..



يتبع ان شاء الله...
</span></span></div>