اهلا بيكوا يا احلى بنات فى المنتدى
طبعا انتوا اخواتى واكتر كمان انا عندى مشكلة بجد حيرانا اوى فيها
انا عندى واحدة صحبتى من اولى ابتدائى واحنا مع بعض يعنى بيسمونا التوأم لو هى مثلا راحت فى حتة وانا مكنتش معاها يقوللها فى نصك التانى يعنى اصحاب عمر وصحبنا واحدة من 3سنين وبقت صحبتنا اوى البنت دى كدبت علينا قبل كدا كذا مرة فى كذا حاجة واحنا عرفنا انها كذبت علينا وهى حطتنا فى مشاكل قبل كدا كتير واحنا اصلا ملناش دعوة بكل ده بس الصراحه هى انسانة محترمة جدا وطيبة بس ليها تصرفات غريبه زى مثلا لما كدبت علينا المهم صحبتى الى هى معاايا من اولى ابتدائى اتخطبت من حوالى شهر واتخطبت لانتيم اخويا الكبير والى هى اتخطبتله ده متربى معانا فى البيت يعنى اخويا بالظبط ولما بيجى عندنا البيت بعد اهزر معاه وكدا ادام بابا وماما مع العلم ان انا ماليش اى هزار مع اصحاب اخويا هو ده بس لانه متربى معانا من حوالى 13سنة المهم الشخص ده جيه قالى انتى ان صحبتى الى بتكدب دى راحت قالتله كلام عليا محصلش ( مش كلام وحش او كدا ) لا مش كدا اصلا بس اخترعت حاجة كدا من دماغها المهم وحصلت مشكلة كبيرة وهو طبعا مصدقهاش لانه هو عارفنى كويس اوى وجيه وكلمنى فى البيت وقالى البنت دى مالكيش دعوه بيها ولما سألته ليه وقالى عرفت انها كانت دايما بتحاول تكرهه فيا كأخت طبعا وتقرب نفسها منه وبرضه بتحاول تكره خطيبته فيه الى هى صحبتى الانتيم ولما جيت وقولتلها قالتلى لا الكلام ده محصلش وغيرت الكلام وطبعا المعنى اختلف خالص وحلفلتى اكتر من مرة بكدا وفى نفس الوقت انا بثق فى الشخص ده جدا جدا لان انا عارفا انا اخته بالظبط لانه مثلا لما بيشوفنى فى مشكلة فى الشارع وكدا وحد يسأله مين دى بيقوله اخته انا دلوقتى حيرانه جدا جدا مش عارفه مين الصح ومين الغلط وخايفه اظلم حد منهم
ياريت تقولولى بجد رأيكوا لان انا مش عارفه اعمل ايه
|