الصراحة المواقف دي حصلت معايا كتير
آخر مرة كانت من حوالي شهر في بداية الامتحانات
كنت واقف انا واحد صاحبي جنب حيطة وبنتكلم عن الامتحانات
وفجاة لقيت صاحبي بيزقني ببص لقيت عربية منطلقة ناحيتنا زي الصاروخ
مش عارف العيب من ايه بالظبط لكن شكلها كان يقول انها هتنفجر
والمهم ان بعد ما بعدنا عنها بحوالي متر
احنا كده نفدنا من الجزء الامامي وكان قاعد تخبطنا بالجزء الخلفي
لكن ربنا ستر وكان جنبنا شجرة فخبطت فيها وراحت الشجرة فداء لينا احنا
الصراحة انا لحد دلوقتي مش قادر اتخيل الموقف ده
وازاي انه كان بيننا وبين الموت شعرة زي ما قلتي
بس كرم ربنا هوا اللي انقذنا
موقف تاني حصل معايا وانا صغير
كنت نايم ومشغل فوقي المروحة وفجاة صحيت على صوت حاجة بتقع
بصيت لقيتها المروحة لكن من كرم ربنا برضه
ان السلك بتاع الدش كان معدي تحتها
فلما وقعت وقعت عليه فوقفت ووقعت مكانها
وانا كان بيني وبينها حوالي متر واحد
وموقف تاني على العكس بقا
واحد راح وصل خاله المستشفى ورجع
وسبحان الله مات هوا وخاله في نفس اليوم
وغيرها مواقف كتير
لكن مش عايز اطول عليكم
وده كله بيفكرنا بالاية
(إذا جاء أجلهم لا يستأخرون ساعة ولا يستقدمون)
وبرضه (إن كل نفس لما عليها حافظ)
|