بصي أنا هقول موقف واحد
انا كنت عايش في دولة خليجية وكان عندي حوالي 6 سنوات مش فاكر كويس بس المهم كان فيه سوبرماركت كبير كان بيعمل ساعة في السنة كل حاجه فيه ببلاش يعني الواحد يدخل يشتري أي حاجة ببلاش وده لمدة ساعة فقط وممنوع تدخل غير مرة واحدة ......... فأنا لما عرفت كدة ... طبعا جري على السوبر ماركت عشان أخبط كام علبة شوكلاتة ......
المهم أنا رحت وجبت علبة ورجعت .........
بس صاحبكو طماع والشيطان شاطر لعب في دماغي وقالي :: ( بص يااه انت تروح تاني وتدخل بسرعة و حاول تاخد علبة كمان .....))
فرحت عشان أجيب علبة تانية بس ......... فأجة أيوة فأجة . ( قصدي فجأة ) وانا بعدي الشارع قدام السوبرماركت تيجي عربية تيوتا سريعة جدا
وخبطتني ورمتني كام متر قدام (( مش عارف إزاي )) وهربت بسرعة
طبعا الكل هيقول أكيد إنت اتدغدغت و كل حتة في جسمك اتكسرت بس الغريب إن صاحبكو ( الي هو أنا ) مش حصلي ولا حاجة غير شوية خدوش في كف ايدي و اتكسرت سنتين باين كدة .... المهم أنا عملت فلم هندي وبابا والناس اتلمت عليا وانا عامل مغمي عليا .. ( وطبعا انا زي القرد سليم 100%) و الي يجيب مية والي يجيب عصير والي يجيب شوكلاتة وطبعا أنا طاير من الفرح عشان الناس عمالة تجيبلي شوكلاتة وحاجات تانية المهم بابا خادني و وداني لدكتور و حطلي بلاستر على ايدي ... (( وطبعا الدكتور مش مصدق إزاي ده حصل ))) وبعد ذلك بابا دخلني نفس السوبرماركت وجابلي شوكلاتات ((( جمع شوكلاتة ههههههههه )) بس للأسف كانت الساعة خلصت فجاب الحاجات ده بفلوس هههههههههه
والله ده حصلي وانا صغير ولسة فاكره لحد دلوقتي
أرجو إنكم تكونوا اتعلمتوا ان الطمع قل ما جمع هههههههههه