[ahmed ali12345]

انا من وجهة نظرى ان مفيش حاجة اسمها صعبة ولازم الواحد يحوش الكلمة دى من قاموسه فورا
لان لو الثانوية دى صعبة كانوا هيخلونا ندرسها ليه ولا حتى اوائل الثانوية واللى بيدخلوا طب وصيدلة وهندسة والكليات الحوة دى دخلوها ازاى هل ربنا خلقلهم عقل غيرنا و لا ايه
لا طبعا هما ذاكروا واجتهدوا وكانوا عندهم الارادة انهم يجيبوا مجموع كبير علشان كدة ربنا عطاهم لان لكل مجتهد نصيب وكمان من جد وجد ومن زرع حصد
وكل اللى يقول حكاية ان الثانوية دى صعبة ومش هنقدر عليها ومستحيل نجيب مجموع مهما ذاكرنا عمرهم ما هيجيبوا مجموع ولا ينجحوا حتى
طيب ليه هما بيقولوا كدة؟؟؟؟؟
علشان هما متعودين من صغرهم انهم يلعبوا ويتفرجوا على التلفزيون وبعدين يلاقوا نفسهم نجحوا بكل بساطة بسبب الغش والنظام الفاسد
ولما يدخلوا على المرحلة الثانوية ويكون مفيش غش ولازم يذاكروا طبعا مفيش حجة يقولوها الا ان الثانوية دى جبل وصعبة و......................
ولو الواحد متفوق من الاول وبيعتمد على نفسه وبيذاكر هيلاقيها سنة عادية خاااااااااااالص وسهلة جدااااا بس اهم حاجة انه ميحطش فى دماغه حكاية الصعوبة دى ولا الكلام الفارغ ده لانه هيأثر عليه جامد وهيخليه عايش فى قلق دايما علشان كدة هينسى معلومات كتييير من التوتر والخوف و......................
ويا جماعة ملكوش دعوة بالصحافة والتلفزيون وحالة الطلاب اللى بيجيبوهم دول يقولك واحدة اغم عليها واللى قطعت الورق وتشوف المدرسة كلها عمال تعيط وهيموتوا من العياط والعيال طالعين عاملين كدة
هل كل دول متفوقين ومعرفوش يحلو...............؟
لا طبعا دول قاعدين قدام النت والتلفزيون طول السنة وجم فى الاخر ذاكروا وعايزين يحلوا والحجة هى ان الاسئلة من خارج المنهج وان الامتحان فى مستوى الطالب المتفوق
كله ده كلام فارغ ولو احنا فكرنا بدماغنا اللى انا عارف ان محدش بيفكرا بيها بالبلد دى الا 1% ازاى يعنى يجيبوا حاجة تكون برة المنهج ولا تكون صعبة
لا طبعا هى ممكن تكون لافة شوية بس انت هتفكر ةهتجيبها على طول بس الله يخليكوا من غير توتر خاااااااااااااالص
المهم ان انتوا تاخدوا ال3 سنين دول جد وذاكروا وتفضوا دماغكم خالص للمذاكرة وتحوشوا حكاية الصعوبة دى وانتوا ان شاء الله هتكونوا من الاوائل على الجمهورية وادعولى انا كمان اكون من الاوائل على الثانوية ان شاء الله علشان اعوض 3ع لانى بصراحة كنت عايز اكون من الاوائل على المحافظة بس حسبى الله فى كل ظالم وفى الغش اللى شغال فى المدارس وبالزات فى المدارس الخاصة
واهم حاجة فى مادة الرسم اللى ضيعتنى تماما بس الحمد لله على كل شى
يلا كفاية كدة علشان انا تعبت من الكتابة واروح اصلى باااااااااااااى