[همس]

هو الجدول جميل أوي مرسي يا سمر ................ بس انا كان نفسي يكون قدمنا 7 نذاكر الكمياء عشان 3 ايام نراجع و نراجعها مرة تانية في 3 ايام واليوم السابع يكون مراجعة شاملة وبرضه في نفس الوقت عاوزة كل الطلبة يكونو مرتاحين في الفروق ما بين المواد وهرجع اقول تاني برضه نفس الي كتبته في الموضوع التاني بتاع الجدول المقترح ونفسي الكل يقرأه ويقول رأيه

هام للجميع أرجو من الجميع أن يقرأوه

بسم الله الرحمن الرحيم

كيف حالكم جميعا ؟

بصوا يا جماعة انا طبعا اقترحت ان التعديل يكون العربي مع الدين والأنجليزي مكان اللغة الأجنبية التانية ..
بس في حاجة مهمة اوي كنت عاوزة اقولها لجميع الطلاب بالمرحلتين الاولى والتانية
لو فرضنا مثلا ان الجدول مش اتغير فيه حاجة هنعمل ايه ؟ هنقعد زعلانين ومحبطين عشان الجدول ؟ طبعا مش هينفع وده هيأثر على مذاكرتنا ..
الحل ان كل طالب ينظم المذاكرة من دلوقتي على الحسب الجدول المقترح ده ... وييحدد الأجزاء الي هو محتاج يذاكرها اكتر ومش مظبط نفسه فيها ... ويجي قبل الامتحان في الايام الي عنده يبدا بيها الاول وبعدين يحاول يعمل مراجعة شاملة للباقي الي هو مذاكره كويس وعارف نفسه انه مذاكره كويس ... ويتوكل على ربنا وطبعا لازم كلنا نبقى عارفين انه مهما كانت الفروق في الأيام بين المواد ومدتها قد ايه سواء يوم او اتنين او تلاتة .. مش هيفرق لان النتيجة هتكون حسب جهدك طوووووووووووول السنة وجهدك في الفترة ده يعني لو شدينا حلنا دلوقتي ربنا هيوفقنا ان شاء الله .... وتأكدوا (ان الله لا يضيع اجر من احسن عملا ) وربنا بيدي كل واحد على حسب تعبه في السنة كلها مش في التلات ايام او اليومين او اليوم الي بيبقوا قبل الامتحان ... بس انتوا خليكوا ريلاكس وتوكلوا على الله وربنا مع كل طالب وطالبة في الثانوية العامة ان شاء الله ...
أنا عارفة اني طولت عليكم بس والله لأني بحبكم كلكم ونفسي كلنا نفرح بالنسب العالية ان شاء الله
أختكم في الله : همس المشاعر