[quote=هيثم عبدربه;2366150]تعبت كتير ومش قادر
ومليت الوعود والزيف
ولما قالوا ع الكادر
ماصدقتش ياعم نظيف
ولما كترت الأخبار
قصيدة في منتهى الروعة
وبلسان الشباب ( إوعى )
لكن فيها حاجات ناقصة
بتعمل في الفؤاد وجعة
مقلتش ليه بإن احنا
قعدنا وهمنا فريحنا
ولما كدبنا على روحنا
فصدقناها وفرحنا
وقام راجل في وسطينا
وقال آن الأوان لينا
نلم الشمل ونطالب
بجد بحق في ادينا
وفي الأول حماس بارع
وبعد شوية نتصارع
ونتخانق على التفاصيل
ونلقى نفوسنا في الشارع
وأحلى كلام من الزملاء
كلام معسول ولا الوزراء
خلاص يا شباب هنتعين
كلام من مصدر الأنباء
وننسى همومنا ونبارك
لبعضينا على إشاعة
نبص لفوق نقول مبرووووك
خلاص يا ابو عقد نام واسكت
خلاص ياحزين هتتثبت
هتتعين وتِــتـَّـبت
سيبونا نعيش مع الأحلام
ونترك روحنا للأوهام
ولو ساعة ..
وبعد شوية لما نفوق
نبص لفوق
نقع علطول في بلاعة
تعبت كتير يا شيخ هيثم ؟
أخاف يبقى اللي جاي أسخم
وبعد ماكنا بنبارك
لبعضينا وبنهني
بكدبة كبيرة أطلقناها .. صدقناها .. رددناها
أخاف نندم .. أخاف نندم
تحية كبيرة للشاعر الكبير ( هيثم عبد ربه )
وأعتذر له عن شيء لن أفصح عنه الآن
|