[الأميـرمحمد]

طيب دى حاجه كويسه اوى انا حطيت كل الكليات اللى عايزاها وحاطتها محافظات كمان
وبجد ميرسى اوى ليك

طيب كويس ...

بس عندى سؤال كمان معلش هتعبك هو التحويل ده بعمله من الجامعه اللى جاتلى ولا منين يعنى انت لما جالك بنها عملته فى بنها ولا فين

لاء ..
بتعملي التحويل من موقع التنسيق بردوو ( اللي سجيلتي فيه رغباتك )
اللي هو من هنااااااااااااااا

لان لما نتيجة التنسيق بتظهر بيبقي في ناس من القاهرة جالها كليات ف الاقاليم وعاوزة تحول والعكس
فا بيقدموا في التحويل داا .. و هيفتحوو التحويل لما تظهر نتيجة التنسيق ..

( انا والله ما اعرف شكل جامعة بنها دي ) ..

وسؤال كمان هو لو فرضنا لا قدر الله ان التحويل اترفض ينفع اقدم فى اى كليه تانيه فى القاهره لو مجموعى جايبها ولا لازم اقدم فى اللى تجيلى فى التنسيق؟؟

حلو السؤال داا ..
طبعاً ينفع تقدمي في كلية هناا ما دام جايبة مجموعها ... حتي لو جاتلك كلية في محافظات
بس في الحالة دي بتروحي ( مكتب التحويل المركزي ) امام جامعة القاهرة
وبتقدمي طلب و بيحولك من الكلية البعيدة دي اللي مش عاوزها الي الكلية اللي انت عاوزاهاا
طالما جايبة مجموعها ..

وحاجه كمان انا دلوقتى عايزه اداب بس مجموعى ميجبهاش هنا بس ممكن يجيبها محافظات وانا دخلت قدرات تربيه فنيه وخدت لائق فا دلوقتى انا فى الرغبات احط اداب اللى هنا واللى فى المحافظات قبل تربيه فنيه ولما تجيلى احول ولا احط الللى هنا وبعدين تربيه وبعدين اداب محافظات
معلش طوبت عليك بس محتاجه افهم

انا اتلغبط فعلاً ... هههههههههه ( ولايهمك )
امامك كذا حل ..
(1) ( مادام نفسك في آداب ) تكتبي كل آداب .. واولهم اللي هنا و بعدين محافظات ...
ولو جتلك اللي هنا ( خير وبركة ) و لو جاتلك اللي بعيدة تعملي تحويل الكتروني زي ما قولتلك ..
(2) ولو ملجتلكيش آداب هناا .. ولاقدر الله اترفض التحويل ..
يبيقي تقدمي في تربية فنية هنااا ( عن طريق مكتب التحويل المركزي )*

وبالنسبة للرغبات :
آداب القاهرة .. عين شمس .. حلوان .. بنها .. الفيوم .. إالخ
و بعدين فنية ... ( الكلام داا لو نفسك اووووي في آداب ( وماتقدريش تستغني عنها )
زي ما انا كداا كان نفسي في تجارة اووي ولو وكانت جاتلي تجارة جامعة ليبيا كنت هروح !!

اما بقي لو خايفة من التحويل يترفض ( وعاوزة اي كلية من اداب و تربية )
يبقي تكتبي اداب اللي هناا و بعدين تربية اللي هناا و بعدين اداب محافظات و بعدين تربية محافظات

و خلي بالك ( التحويل الاكتروني " مجاناً " ) اما ( التحويل بتاع مكتب التحويلات المركزي " بفلوس ")

وياريت تقوليلي مجموعك كام علشان افيدك أكثر

معلش طوبت عليك بس محتاجه افهم

ولا يهمك ..
وتحت امرك في مساعدة
ومعاكي حتي دخول الكلية بإذن الله